ദേശീയ ഐ ലീഗ് ഫുട്ബോളിന്റെ പന്ത്രണ്ടാം റൗണ്ടില് ഇന്ന് മുംബൈ എഫ്സിയും മോഹന് ബഗാനും മാറ്റുരയ്ക്കും. കഴിഞ്ഞ രണ്ടു മല്സരങ്ങളിലും വിജയം നേടിയതിന്റെ ആത്മവിശ്വാസത്തിലാണ് മുംബൈ ടീം കൂപ്പറേജ് സ്റ്റേഡിയത്തില് പോരാട്ടത്തിനിറങ്ങുന്നത്.
അതേസമയം ഇന്ത്യന് നായകന് ബൈച്ചുങ്ങ് ബൂട്ടിയയും ബ്രസീല് താരം ഹോസെ ബാരറ്റോയുമടങ്ങുന്ന നിരയുമായാണ് ഫെഡറേഷന് കപ്പ് ജേതാക്കള് കൂടിയായ ബഗാന് കളത്തിലിറങ്ങുന്നത്. നേരത്തെ മുംബൈയോട് 1-2 തോല്വി ഏറ്റുവാങ്ങേണ്ടി വന്ന ബഗാന് ഇത് പകരം വീട്ടാനുള്ള അവസരം കൂടിയാണ്.
നിലവില് ബഗാന് 21 പോയിന്റുമായി രണ്ടാം സ്ഥാനത്തും മുംബൈ എഫ്സി 19 പോയിന്റോടെ നാലാം സ്ഥാനത്തുമാണ്. ഇന്ന് ബഗാനെ മറികടക്കാനായാല് മുംബൈ രണ്ടാം സ്ഥാനത്തെത്തും. 25 പോയിന്റുള്ള ഗോവ സ്പോര്ട്ടിങ് ക്ലബ്ബാണ് പോയിന്റ് പട്ടികയില് മുന്നില്, ഗോവയില്നിന്നുതന്നെയുള്ള ചര്ച്ചില് ബ്രദേഴ്സ് മൂന്നാം സ്ഥാനത്തുണ്ട്.
| 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ