ക്രിക്കറ്റ് വാര്ത്ത | ലേഖനങ്ങള് | ഇതിഹാസ താരങ്ങള് | നിലവിലെ പരമ്പര | ഐപിഎല് | ക്രിക്കറ്റ് സ്ഥിതിവിവരം | ക്രിക്കറ്റ് ടിക്കര് | ചാമ്പ്യന്സ് ട്രോഫി09
പ്രധാന താള് » കായികം » ക്രിക്കറ്റ് » ക്രിക്കറ്റ് വാര്ത്ത » സച്ചിന് സെഞ്ച്വറി, 17000! (Sachin crosses 17000-run mark in ODIs)
Feedback
Print
സച്ചിന് സെഞ്ച്വറി, 17000! 
ഹൈദരാബാദ്, വ്യാഴം, 5 നവംബര് 2009( 20:50 IST )
PRO
സച്ചിന്റെ റെക്കോര്ഡ് നേട്ടത്തിനായി സ്റ്റേഡിയത്തില് ആര്പ്പുവിളിച്ച പതിനായിരങ്ങള്ക്ക് ആശങ്കയുടെ നിമിഷങ്ങള് സമ്മാനിച്ച് ഹില്ഫെന്ഹസിന്റെ നാലു പന്തുകള് തടഞ്ഞിട്ട സച്ചിന് വീണ്ടും സമ്മര്ദ്ദത്തില് തട്ടി വീഴുമോ എന്ന് ഒരു നിമിഷം ശങ്കിച്ചെങ്കിലും ഒടുവില് 17000വും സച്ചിനു മുന്നില് തലകുനിച്ചു.
സച്ചിന്റെ 435-ആം ഏകദിനത്തിലാണ് സച്ചിന് ഈ നേട്ടം കൈവരിച്ചത്. 81 പന്തിലാണ് സച്ചിന് ഓസീസിനെതിരെ 100 തികച്ചത്. 10 ബൌണ്ടറികളും മൂന്ന് കൂറ്റന് സിക്സറുകളും ഈ സെഞ്ചറിക്ക് തിളക്കമേകി. ഓസ്ട്രേലിയയ്ക്കെതിരെ സച്ചിന്റെ ഒമ്പതാം സെഞ്ച്വറിയാണ് ഇത്. 91 ഏകദിന അര്ധ സെഞ്ച്വറികളും സച്ചിന്റെ നേട്ടത്തിന് മകുടം ചാര്ത്തുന്നു. ഇത്രയും മത്സരങ്ങളില് നിന്നായി 154 വിക്കറ്റുകളും സച്ചിന് പോക്കറ്റിലാക്കിയിട്ടുണ്ട്.
159 ടെസ്റ്റുകളില് നിന്നായി 12773 റണ്സാണ് സച്ചിന്റെ സമ്പാദ്യം. 42 സെഞ്ച്വറികളും 53 അര്ധ സെഞ്ച്വറികളും വെള്ളക്കുപ്പായത്തില് സച്ചിന് കുറിച്ചിട്ടുണ്ട്.