ഐ പി എല് രണ്ടാം സീസണില് കളിക്കാന് അനുമതി ലഭിക്കാതിരുന്ന പാക് ഫാസ്റ്റ് ബൌളര് സൊഹൈല് തന്വീറിന് രാജസ്ഥാന് റോയല്സിന്റെ പരിശീലന മത്സരത്തില് കളിക്കാന് പാക് ക്രിക്ക ബോര്ഡ് അനുമതി നല്കി.
ആറിന് ലോര്ഡ്സില് മിഡില്സെക്സിനെതിരെ നടക്കുന്ന പ്രദര്ശന മത്സരം കളിക്കാനാണ് തന്വീറിന് പി സി ബി അനുമതി നല്കിയിരിക്കുന്നത്. മുംബൈ ഭീകരാക്രമണത്തെ തുടര്ന്ന് പാക് കളിക്കാരെ ഐ പി എല് രണ്ടാം സീസണില് കളിക്കുന്നതില് നിന്ന് പി സി ബി വിലക്കിയതോടെയാണ് ഐ പി എല് അദ്യ സീസണില് ഏറ്റവും കൂടുതല് വിക്കറ്റെടുത്ത ബൌളറായ സൊഹൈല് തന്വീറിന് രണ്ടം ഐ പി എല് സീസണ് നഷ്ടമായത്.
ഐ പി എല് ആദ്യ എഡിഷനിലെ ചാമ്പ്യന്മാരും ഇംഗ്ലണ്ട് ആഭ്യന്തര ട്വന്റി-20 ടൂര്ണമെന്റ് ചാമ്പ്യന്മാരും തമ്മില് ആറിനാണ് മത്സരം. ട്വന്റി-20 ലോകകപ്പില് പാക് ടീമില് ഉള്പ്പെട്ടിരുന്ന തന്വീറിനെ പരുക്കും ഫോമില്ലായ്മയും കാരണം പല മത്സരങ്ങളിലും അവസാന ഇലവനില് ഉള്പ്പെടുത്തിയിരുന്നില്ല. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ