ഐ പി എല് രണ്ടാം സീസണില് ടീമില് നിന്നൊഴിവാക്കപ്പെട്ട മുന് ഇന്ത്യന് താരം മുഹമ്മദ് കൈഫിനെ രാജസ്ഥാന് റോയല്സ് ടീമിലേക്ക് തിരിച്ചുവിളിച്ചു. മിഡില്സെക്സിനെതിരായ പ്രദര്ശന മത്സരം കളിക്കാനാണ് കൈഫിനെ വീണ്ടും ടീമില് ഉള്പ്പെടുത്തിയത്.
ജൂലൈ ആറിന് ലോര്ഡ്സിലാണ് മത്സരം. ഐ പി എല് ആദ്യ എഡിഷനിലെ ചാമ്പ്യന്മാരും ഇംഗ്ലണ്ട് ആഭ്യന്തര ട്വന്റി-20 ടൂര്ണമെന്റ് ചാമ്പ്യന്മാരും തമ്മിലുള്ള മത്സരം വളരെ നേരത്തെ തീരുമാനിച്ചതായിരുന്നു എങ്കിലും ഇപ്പോള് മാത്രമാണ് ഇതിന് സമയം കണ്ടെത്താനായത്.
എന്നാല് ടീം മാനേജ്മെന്റിന്റെ തീരുമാനത്തെക്കുറിച്ച് തനിക്ക് വിവരമൊന്നുമില്ലെന്ന് പറഞ്ഞ കൈഫ് പ്രദര്ശന മത്സരത്തിനുള്ള ടീമില് ഉള്പ്പെടുത്തിയതില് സന്തോഷമുണ്ടെന്നും വ്യക്തമാക്കി.
രണ്ടാം ഐ പി എല് സീസണില് കളിക്കാനായി ദക്ഷിണാഫ്രിക്കയിലെത്തിയ കൈഫിനെ മോശം ഫോമിന്റെ പേരില് ടീം മാനേജ്മെന്റ് തിരിച്ചയക്കുകയായിരുന്നു. എന്നാല് എന്തിനാണ് തന്നെ ഒഴിവാക്കിയത് എന്നതിനെക്കുറിച്ചൊ ഇപ്പൊള് ഉള്പ്പെടുത്തിയത് എന്നതിനെക്കുറിച്ചൊ തനിക്ക് യാതൊരു അറിവും ഇല്ലെന്ന് കൈഫ് പ്രതികരിച്ചു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ