ഇന്ത്യന് ക്രിക്കറ്റ് ലീഗില് (ഐസിഎല്) കളിക്കുന്ന താരങ്ങള്ക്ക് ആഭ്യന്തര മത്സരങ്ങള് കളിക്കുന്നതിന് ഏര്പ്പെടുത്തിയിരിക്കുന്ന വിലക്ക് പിന്വലിക്കാന് തയാറാണെന്ന് ബിസിസിഐ. 2009 മേയ് 31നകം ഐസിഎല്ലുമായുള്ള എല്ലാ ബന്ധവും ഉപേക്ഷിക്കാന് തയ്യാറാവുന്ന താരങ്ങളെ ആഭ്യന്തര മത്സരങ്ങളില് കളിക്കാന് അനുവദിക്കാമെന്നാണ് ബി സി സി ഐ വാഗ്ദാനം ചെയ്തിരിക്കുന്നത്.
ഒരു വര്ഷത്തേക്ക് ഇവരെ അന്താരാഷ്ട്ര മത്സരങ്ങളിലേക്ക് പരിഗണിക്കില്ലെന്നും ബി സി സി ഐ പ്രസിഡന്റ് ശശാങ്ക് മനോഹര് പറഞ്ഞു. മുംബൈയില് ചേര്ന്ന ബിസിസിഐ വര്ക്കിങ് കമ്മിറ്റി യോഗത്തിലാണ് തീരുമാനം. ഐ സി എല്ലില് ചേര്ന്ന് ചില താരങ്ങളും സപ്പോര്ട്ട് സ്റ്റാഫും വിമത ലീഗില് ചേര്ന്നത് തങ്ങളുടെ പിഴവാണെന്ന് ബി സി സി ഐ അധികൃതരോട് സമ്മതിച്ചതിനെ തുടര്ന്നാണ് തീരുമാനം.
തിരിച്ചു വരാനാഗ്രഹിക്കുന്നവര് മെയ് 31ന് മുമ്പ് ബി സി സി ഐയെ അറിയിക്കണമെന്നും ബി സി സി ഐ പ്രസിഡന്റ് വ്യക്തമാക്കി. 2007 ലോകകപ്പിലെ ഇന്ത്യയുടെ ദയനീയ പ്രകടനത്തെ തുടര്ന്നാണ് സുഭാഷ് ചന്ദ്രയുടെ നേതൃത്വത്തിലുള്ള സീ ഗ്രൂപ്പ് ഇന്ത്യന് ക്രിക്കറ്റ് ലീഗ് തുടങ്ങിയത്.
എന്നാല് ഇതേ മാതൃകയില് ബി സി സി ഐ ഇന്ത്യന് പ്രീമിയര് ലീഗ് തുടങ്ങിയതോടെ ഐ സി എല്ലിന്റെ ശോഭ മങ്ങി.ഐ സി എല്ലില് കളിക്കുന്ന താരങ്ങളെ ബി സി സി ഐ ആഭ്യന്തര-അന്താരാഷ്ട്ര മത്സരങ്ങള് കളിക്കുന്നതില് നിന്ന് വിലക്കുകയും ചെയ്തു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ