2011 ലെ ക്രിക്കറ്റ് ലോകകപ്പിനുള്ള യോഗ്യതാ മത്സരങ്ങളില് അഫ്ഗാനിസ്ഥാന് സൂപ്പര് എട്ടില് ഇടം പിടിച്ചു. കാനഡ, അയര്ലാന്ഡ്, കെനിയ, നെതര്ലാന്ഡ്, സ്കോട്ട്ലാന്ഡ്, യുഎഇ, നമീബിയ എന്നിവരാണ് സൂപ്പര് എട്ടിലെത്തിയ മറ്റ് ടീമുകള്.
ഏഴാമതായിട്ടാണ് അഫ്ഗാനിസ്ഥാന് സൂപ്പര് എട്ടില് കടന്നത്. ആറ് പോയിന്റുകളുമായി അയര്ലാന്ഡാണ് പട്ടികയില് ഒന്നാമത്. ഇനിയുള്ള മത്സരങ്ങള് അഫ്ഗാന് കൂടുതല് വെല്ലുവിളി ഉയര്ത്തുമെന്നാണ് വിലയിരുത്തപ്പെടുന്നത്.
ലോകകപ്പിലേക്ക് യോഗ്യത നേടുക അഫ്ഗാനെ സംബന്ധിച്ച് വെല്ലുവിളി നിറഞ്ഞതാണെന്ന് കോച്ച് കബീര് ഖാന് പറഞ്ഞു. ഇനിയുള്ള എല്ലാ മത്സരങ്ങളും ജയിക്കുക തന്നെ വേണം. എന്നാല് ലോകകപ്പ് മോഹം തന്റെ ഉള്ളിലെ ഒരു സ്വപ്നമാണെന്നും ഖാന് കൂട്ടിച്ചേര്ത്തു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ