ന്യൂസിലാന്ഡിനെതിരായ ടെസ്റ്റ് പരമ്പര 2-0 എന്ന നിലയില് സ്വന്തമാക്കണമെന്നായിരുന്നു ആഗ്രഹമെന്ന് ഇന്ത്യന് ക്യാപ്റ്റന് മഹേന്ദ്രസിംഗ് ധോണി പറഞ്ഞു. വെല്ലിംഗ്ടണ് ടെസ്റ്റ് മഴമൂലം സമനിലയില് പിരിഞ്ഞതില് നിരാശയുണ്ടെന്നും ഇന്ത്യന് ക്യാപ്റ്റന് വ്യക്തമാക്കി.
ടീമിന്റെ കൂട്ടായ്മയുടെ വിജയമാണിതെന്ന് ധോണി അഭിപ്രായപ്പെട്ടു. പരമ്പര വിജയിച്ചതില് ബൌളര്മാര് മികച്ച പങ്ക് വഹിച്ചു. പര്യടനത്തില് മൊത്തമായി നല്ല പ്രകടനമാണ് ടീം പുറത്തെടുത്തതെന്നും ധോണി അഭിപ്രായപ്പെട്ടു.
കിവീസിന്റെ വിജയലക്ഷ്യം ഉയര്ത്താനാണ് വെല്ലിംഗ്ടണില് രണ്ടാമിന്നിംഗ്സ് ഡിക്ലയര് ചെയ്യാന് താമസിച്ചതെന്ന് ധോണി വിശദീകരിച്ചു. കുറഞ്ഞ ലക്ഷ്യമിട്ടാല് എതിരാളികള് ബാറ്റിംഗ് രീതി മാറ്റുകയും നമുക്ക് പ്രത്യേകിച്ചൊന്നും ചെയ്യാന് കഴിയാതെ വരികയും ചെയ്യും. ധോണി വ്യക്തമാക്കി.
ഇപ്പോഴത്തെ നേട്ടം നിലനിര്ത്തുക എന്നതാണ് പ്രധാന വെല്ലുവിളിയെന്ന് ധോണി ചൂണ്ടിക്കാട്ടി. അടുത്ത തവണ കിവീസ് സന്ദര്ശിക്കുന്ന ഇന്ത്യന് ടീമിന് ഇത് ഏറെ വെല്ലുവിളി ഉയര്ത്തുമെന്നും ധോണി പറഞ്ഞു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ