കിഴക്കന് മേഖല വിജയ് ഹസേര് ക്രിക്കറ്റ് ടൂര്ണ്ണമെന്റില് ത്രിപുരയ്ക്ക് വിജയത്തുടക്കം. ജാദവ്പൂര് യൂണിവേഴ്സിറ്റി കാമ്പസ് ഗ്രൌണ്ടില് നടന്ന മല്സരത്തില് ആസമിനെ 29 റണ്സിനാണ് അവര് പരാജയപ്പെടുത്തിയത്.
ആദ്യ ബാറ്റ് ചെയ്ത ത്രിപുര 47.1 ഓവറില് 232 റണ്സെടുത്തു. എന്നാല് മറുപടി ബാറ്റിംഗില് 50 ഓവറില് ഒമ്പത് വിക്കറ്റിന് 203 റണ്സെടുക്കാനെ ആസമിന് കഴിഞ്ഞുള്ളൂ. നിതീഷ് ഷെട്ടി നേടിയ 128 റണ്സാണ് ത്രിപുരന് ഇന്നിംഗ്സിന് കരുത്തേകിയത്. 15 ബൌണ്ടറികളടങ്ങിയതാണ് നിതീഷിന്റെ ഇന്നിംഗ്സ്. റാണ ദത്ത 51 റണ്സെടുത്തു. അസാമിന് വേണ്ടി ധിരാജ് ഗോസ്വാമി 35 റണ്സ് വഴങ്ങി നാല് വിക്കറ്റും കൃഷ്ണ ദാസ് 48 റണ്സ് വഴങ്ങി മൂന്ന് വിക്കറ്റും വീഴ്ത്തി.
58 റണ്സെടുത്ത ദീപക് ശര്മ്മയും 31 റണ്സെടുത്ത ധീരജ് ഗോസ്വാമിയുമാണ് ആസാം ബാറ്റിംഗ് നിരയില് അല്പമെങ്കിലും തിളങ്ങിയത്. ത്രിരുപയുടെ വിനീത് ജെയിന് 27 റണ്സിന് നാല് വിക്കറ്റും റാണ ദത്ത 45 റണ്സ് വഴങ്ങി രണ്ട് വിക്കറ്റും വീഴ്ത്തി. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ