ഓസ്ട്രേലിയക്കെതിരായ ടെസ്റ്റ് പരമ്പരയില് പരുക്കേറ്റ ആഷ്വെല് പ്രിന്സിനു പകരം യുവ താരം ജെ പി ഡൂമിനിയെ ഉള്പ്പെടുത്താന് ദക്ഷിണാഫ്രിക്ക തീരുമാനിച്ചു. ഓസ്ട്രേലിയയ്ക്കെതിരെയുള്ള ആദ്യ രണ്ടു ടെസ്റ്റുകള്ക്കുള്ള ടീമിലാണ് ഡുമിനി ഇടം നേടിയത്.
ദക്ഷിണാഫ്രിക്കയുടെ ഓസീസ് പര്യടനത്തിലെ തിളങ്ങുന്ന പ്രകടനമാണ് ഡുമിനിയുടെ സ്ഥാനം ഉറപ്പാക്കിയത്. മെല്ബണില് നടന്ന രണ്ടാം ടെസ്റ്റില് ആറാമനായി ഇറങ്ങി 166 റണ്സ് നേടിയ ഡൂമിനി ദക്ഷിണാഫ്രിക്കയുടെ പരമ്പര വിജയത്തില് നിര്ണായക പങ്കു വഹിച്ചിരുന്നു.
സ്ഥിരത നിലനിര്ത്താനാണു ടീമിനെ നേരത്തേ പ്രഖ്യാപിക്കുന്നതെന്നു സെലക്ടര്മാരുടെ കണ്വീനര് മൈക് പ്രോക്ടര് പറഞ്ഞു. ആദ്യ രണ്ട് ടെസ്റ്റുകള്ക്കുള്ള ദക്ഷിണാഫ്രിക്കന് ടീം: ഗ്രയിം സ്മിത്ത് (ക്യാപ്റ്റന്), നീല് മക്കെന്സി, ഹഷിം ആംല, ജാക് കലിസ്, എബി ഡിവില്ലേഴ്സ്, ജെപി ഡുമിനി, മാര്ക്ക് ബൗച്ചര്, പോള് ഹാരിസ്, ഡെയ്ല് സ്റ്റയിന്, മോണ് മോര്ക്കല്, മഖായ എന്ടിനി, ലോണ്വാബോ ടോസോബി. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ