ദക്ഷിണാഫ്രിക്കക്ക് എതിരെ നടക്കുന്ന ടെസ്റ്റ് മത്സരത്തിനിടയില് പരിക്കേറ്റ വെസ്റ്റ്-ഇന്ഡീസ് ക്യാപ്റ്റന് ക്രിസ് ഗെയ്ല് നാട്ടിലേക്ക് മടങ്ങി. ഇനി ബാക്കിയുള്ള നാല് ഏകദിന മത്സരങ്ങള് മതിയാക്കിയാണ് ഗെയ്ല് നാട്ടിലേക്ക് മടങ്ങിയത്.
രണ്ടാം ടെസ്റ്റിനിടയില് നെല്ലിന്റെ പന്ത് തട്ടി ഗെയ്ലിന്റെ വിരലിനാണ് പരിക്കേറ്റത്. ‘ ഗെയ്ലിന് പരിക്കേറ്റതിനാല് അദ്ദേഹത്തിന്റെ കഴിവ് ഉപയോഗപ്പെടുത്തുവാന് കഴിയുകയില്ല. ഗെയിലിനു പകരം യുവതാരത്തിന് കളിക്കുവാന് അവസരം നല്കും’- വെസ്റ്റ്-ഇന്ഡീസ് ടീം മാനേജര് ക്ല്വൈ ലോയിഡ് പറഞ്ഞു.
ഗെയിലിനു പകരം ബ്രാവോയിരിക്കും ഇനി വെസ്റ്റ്-ഇന്ഡീസ് ടീമിനെ നയിക്കുക. അതേസമയം വെസ്റ്റ്-ഇന്ഡീസില് നടക്കുന്ന ത്രിരാഷ്ട്ര ഏകദിന മത്സരത്തില് ആരോഗ്യം വീണ്ടെടുത്ത് കളിക്കുവാന് കഴിയുമെന്ന ആത്മവിശ്വാസത്തിലാണ് ഗെയ്ല്. ഈ മത്സരത്തില് വെസ്റ്റ്-ഇന്ഡീസിനു പുറമെ ഓസ്ട്രേലിയ, ശ്രീലങ്ക എന്നീ ടീമുകള് പങ്കെടുക്കും.
ക്രിസ് ഗെയ്ല് 68 ടെസ്റ്റുകളില് നിന്ന് 4479 റണ്സും, 171 ഏകദിനങ്ങളില് നിന്ന് 6048 റണ്സും നേടിയിട്ടുണ്ട്. ടെസ്റ്റിലെ ശരാശരി 38.28 ആണ്. ഏകദിനത്തിലെ ശരാശരി 38.03 ആണ്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
