ക്ഷേത്രത്തില് നിന്ന് മിക്കപ്പോഴും അപസ്വരങ്ങള് കേള്ക്കാമെന്ന് ഇവിടുത്തുകാര് പറയുന്നു, ചിലപ്പോള് ഒരു സിംഹത്തിന്റെ ഗര്ജ്ജനം അല്ലെങ്കില് അമ്പലമണികള് ശബ്ദിക്കുന്നത്. മറ്റുചിലപ്പോള് വെളുത്ത സാരി ധരിച്ച ഒരു സ്ത്രീ രൂപത്തെ ക്ഷേത്ര പരിസരത്ത് കണ്ടവരുമുണ്ട്. ഇപ്പോള് ആരും സന്ധ്യ മയങ്ങിയാല് പിന്നെ ക്ഷേത്രപരിസരത്തുകൂടി നടക്കുകപോലും ചെയ്യാറില്ല.
ഫോട്ടോഗാലറി കാണാന് ക്ലിക്ക് ചെയ്യുക
ദുരുദ്ദേശത്തോടെ ക്ഷേത്രത്തില് എത്തുന്നവര്ക്ക് അപകടങ്ങള് ഉണ്ടാവുമെന്നാണ് ഭക്തനായ സഞ്ജയ് മാല്ഗാവ്കര് പറയുന്നത്. ക്ഷേത്രത്തിന്റെ സ്ഥലം മറ്റ് ആവശ്യങ്ങള്ക്ക് വേണ്ടി ഉപയോഗപ്പെടുത്താന് ചിലര് ശ്രമം നടത്തുകയുണ്ടായി. ഇതിനായി, ക്ഷേത്രം നശിപ്പിക്കാനൊരുങ്ങിയ ഇവര്ക്ക് അത് സാധിച്ചില്ല എന്ന് മാത്രമല്ല പലവിധ ദുരനുഭവങ്ങളെയും നേരിടേണ്ടി വന്നു എന്നും സഞ്ജയ് പറയുന്നു. ക്ഷേത്രം പൊളിക്കാനെത്തിയ തൊഴിലാളികള് ഒരു അഗ്നി ഗോളം കണ്ടു എന്നും ഇവിടുത്തുകാര് പറയുന്നു.
ഈ സംഭവങ്ങള് യാഥാര്ത്ഥ്യമോ?....എന്തായാലും ഇത്തരം കഥകള് ഭക്തരെ ക്ഷേത്രത്തില് നിന്ന് പരമാവധി അകറ്റി നിര്ത്തുന്നു. പണ്ട് വളരെ ഭംഗിയുള്ള ക്ഷേത്രമായിരുന്നു ഇത്. ഇപ്പോള് ഇത് തകര്ന്നതും ഒറ്റപ്പെട്ടതുമായ നിലയിലാണ്. ഭക്തിയോടുകൂടി ക്ഷേത്രത്തില് എത്തുന്നവര് പോലും കേട്ടറിവുള്ള കഥകള് പേടിപ്പെടുത്തുന്നതു മൂലം ഇവിടെ അധിക സമയം ചെലവഴിക്കാറില്ല. ഇതെ കുറിച്ച് നിങ്ങള് എന്ത് കരുതുന്നു.
ആരാധനാലയങ്ങളെ നല്ലതെന്നും ചീത്തയെന്നും വേര്തിരിക്കാമോ? |
അഭിപ്രായങ്ങളും പ്രതികരണങ്ങളും
