പ്രധാന താള് » വാര്ത്താലോകം » വാര്ത്ത » ദേശീയം » മഹാത്മാഗാന്ധി സോണിയാഗാന്ധിയുടെ ബന്ധു! ('Mahatma Gandhi was a relative of Sonia Gandhi')
Feedback
Printമഹാത്മാഗാന്ധി സോണിയാഗാന്ധിയുടെ ബന്ധു! 
ബല്ഗാം, ശനി, 4 സെപ്റ്റംബര് 2010( 18:16 IST )
PRO
ബെല്ഗാമിലെ ഒരു സര്ക്കാര് ഹയര്സെക്കന്ഡറി സ്കൂളിലെത്തിയ എം എല് എ ആറാം ക്ലാസ് വിദ്യാര്ത്ഥികളോട് ആരാണ് മഹാത്മാഗാന്ധി എന്ന് ചോദിച്ചപ്പോഴാണ് സോണിയാ ഗാന്ധിയുടെ ബന്ധുവെന്ന് ഉത്തരം കിട്ടിയത്. മഹാത്മാഗാന്ധിയുടെ ജന്മസ്ഥലമെവിടെയെന്ന ചോദ്യത്തിന് കര്ണാടക അല്ലെ എന്നായിരുന്നു ഭൂരിഭാഗം കുട്ടികളുടെയും മറു ചോദ്യം. ചിലര് ഒറീസ എന്നും പറഞ്ഞു.
നമ്മുടെ ഭരണഘടന എഴുതിയത് ആരെന്ന ചോദ്യത്തിന് ഒരു കുട്ടിക്കൊഴികെ ബാക്കി എല്ലാവര്ക്കും ഓരോ ഉത്തരമായിരുന്നു. മഹാത്മാഗാന്ധി, രാജേന്ദ്ര പ്രസാദ്, വല്ലഭായ് പട്ടേല് എന്നിങ്ങനെ പോയി ഉത്തരങ്ങള്. ആറാം ക്ലാസ് വിട്ട് പത്താം ക്ലാസിലെത്തിയ എം എല് എയ്ക്ക് അല്പം ആശ്വാസമായി കുറച്ച് വിദ്യാര്ത്ഥികളൊക്കെ ശരിയുത്തരം പറഞ്ഞു. എന്നാല് സര്ദാര് വല്ലഭായ് പട്ടേല്, ഡോ രാജേന്ദ്രപ്രസാദ് എന്നിവരെക്കുറിച്ച് അവരും ഇതുവരെ കേട്ടിട്ടില്ല.
സച്ചിന് ടെന്ഡുല്ക്കര്, രാഹുല് ദ്രാവിഡ്, ഷാരൂഖ് ഖാന്, അമിതാഭ് ബച്ചന് എന്നിവരെക്കുറിച്ച് ചോദിച്ചപ്പോള് വിദ്യാര്ത്ഥികള്ക്കെല്ലാം നൂറു നാവ്. എല്ലാം കുട്ടികളെയും സ്കൂളിലെത്തിക്കാന് കേന്ദ്രവും സംസ്ഥാനങ്ങളുമെല്ലാം നിരവധി പദ്ധതികള് ആവിഷ്കരിക്കുന്നുണ്ടെങ്കിലും സ്കൂളിലെത്തുന്ന കുട്ടികളുടെ പഠനനിലവാരത്തെക്കുറിച്ച് ചിന്തിക്കാത്തതാണ് ഇത്തരമൊരു സാഹചര്യത്തിന് കാരണമെന്നാണ് അഭയ് പാട്ടീല് പറയുന്നത്.