മനുഷ്യഭ്രൂണങ്ങള്‍ ചവറുകൂനയില്‍ കണ്ടെത്തി!

അഹമ്മദാബാദ്| WEBDUNIA|
അഹമ്മദാബാദിലെ ബാപുനഗറില്‍ ലാല്‍ബഹാദുര്‍ ശാസ്ത്രി സ്റ്റേഡിയത്തിനടുത്ത് തെരുവുനായ്ക്കള്‍ കടിച്ചുവലിക്കുന്ന നിലയില്‍ 12 മനുഷ്യ ഭ്രൂണങ്ങള്‍ കണ്ടെത്തി. പൊലീസിനു ലഭിച്ച ടെലഫോണ്‍ സന്ദേശത്തെ തുടര്‍ന്ന് നടത്തിയ അന്വേഷണത്തിലാണ് വഴിയരുകിലെ ചവറുകൂനയില്‍ നിന്ന് ഭ്രൂണങ്ങള്‍ കണ്ടെടുത്തത്.

തിങ്കളാഴ്ച രാവിലെ പ്രദേശവാസികളാണ് റോഡരുകില്‍ മനുഷ്യ ഭ്രൂണങ്ങള്‍ കണ്ടെത്തിയതെന്ന് പൊലീസ് പറഞ്ഞു. കണ്ടെത്തിയതില്‍ ഏഴെണ്ണം ആണ്‍കുഞ്ഞുങ്ങളുടെയും അഞ്ചെണ്ണം പെണ്‍കുഞ്ഞുങ്ങളുടെയും ആണെന്നാണ് റിപ്പോര്‍ട്ടുകള്‍.

സമീപത്തുള്ള സ്വകാര്യ ആശുപത്രിയില്‍ അനധികൃതമായി നടത്തുന്ന ഗര്‍ഭമലസിക്കലിന്റെ ബാക്കിപത്രമാണ് ഈ ഭ്രൂണങ്ങളെന്ന് കരുതുന്നു. സംസ്ഥാന ആരോഗ്യ വകുപ്പും സംഭവത്തില്‍ ഇടപെട്ടിട്ടുണ്ട്.

ഭ്രൂണങ്ങള്‍ ഫോറന്‍സിക് പരിശോധനയ്ക്ക് അയച്ചിട്ടുണ്ട്. പൊലീസ് അന്വേഷണം ആരംഭിച്ചു.


ഇതിനെക്കുറിച്ച് കൂടുതല്‍ വായിക്കുക :