പ്രധാന താള് » വാര്ത്താലോകം » വാര്ത്ത » ദേശീയം » വ്ലാദിമിര് പുടിന് ഇന്ന് ഇന്ത്യയില് (Putin's visit starts today)
Feedback
Printവ്ലാദിമിര് പുടിന് ഇന്ന് ഇന്ത്യയില് 
ന്യൂഡല്ഹി, വ്യാഴം, 11 മാര്ച്ച് 2010( 09:10 IST )
PRO
PROഇന്ത്യയും റഷ്യയും തമ്മില് പ്രതിരോധ, ഊര്ജ്ജ മേഖലകളിലെ സഹകരണം വര്ദ്ധിപ്പിക്കുകയായിരിക്കും റഷ്യന് പ്രധാനമന്ത്രിയുടെ സന്ദര്ശനത്തിലെ പ്രധാന ലക്ഷ്യം. ഇതിന്റെ ഭാഗമായി റഷ്യയില് നിന്ന് ഇന്ത്യ വാങ്ങാനിരിക്കുന്ന യുദ്ധക്കപ്പല്, അഡ്മിറല് ഗോരസ്കോവിന്റെ വില സംബന്ധിച്ചുള്ള അന്തിമ തീരുമാനമെടുക്കുമെന്ന് സൂചനയുണ്ട്.
ഇന്തോ-യുഎസ് ബന്ധം ശക്തമായിരിക്കുന്ന സാഹചര്യത്തിലാണ് റഷ്യന് പ്രധാനമന്ത്രി ഇന്ത്യാ സന്ദര്ശനം നടത്തുന്നത്. അതിനാല്, പ്രതിരോധ, ഊര്ജ്ജ മേഖലയില് ഏറ്റവും കൂടിയ തുകയ്ക്കുള്ള കരാറുകള് സ്വന്തമാക്കാനായിരിക്കും റഷ്യന് ശ്രമം.
മിഗ്-29 വിമാനങ്ങളുടെ വില്പ്പന, കൂടംകുളം ഉള്പ്പെടെ ഊര്ജ്ജ മേഖലയിലെ പദ്ധതികള് എന്നിവ സംബന്ധിച്ചുള്ള കരാറുകളെ കുറിച്ച് പുടിന്റെ സന്ദര്ശനവേളയില് അന്തിമ തീരുമാനമായേക്കും.
അഞ്ചാം തവണയാണ് പുടിന് ഇന്ത്യ സന്ദര്ശിക്കുന്നത് എങ്കിലും പ്രധാനമന്ത്രി ആയശേഷമുള്ള ആദ്യ സന്ദര്ശനമാണിത്.
തിരച്ചിലുമായി ബന്ധപ്പെട്ട വിവരങ്ങള്