സൊമാലിയന് തുറമുഖ നഗരമായ ബൊസാസോയ്ക്ക് അടുത്ത് വച്ച് ഒരു ഇന്ത്യന് ചരക്ക് കപ്പല് കടല് കൊള്ളക്കാര് പിടിച്ചെടുത്തു. കപ്പലില് 15 ഇന്ത്യന് ജോലിക്കാര് ഉണ്ടെന്ന് ശനിയാഴ്ച പുറത്ത് വന്ന റിപ്പോര്ട്ടുകളില് പറയുന്നു.
സൊമാലിയയുടെ വടക്ക്-കിഴക്കന് പ്രദേശത്തെ ഭാഗിക സ്വയംഭരണ പ്രദേശമായ ബൊസാസ്കോയില് നിന്ന് 14 നോട്ടിക്കല് മൈല് അകലെ വച്ചാണ് ഇന്ത്യന് കപ്പല് കൊള്ളക്കാര് തട്ടിയെടുത്തത്. വെള്ളിയാഴ്ച ഉച്ചയോടെയാണ് സംഭവം നടന്നത് എന്ന് ഒരു ഓസ്ട്രേലിയന് വെബ്സൈറ്റ് റിപ്പോര്ട്ട് ചെയ്തു.
യു എ ഇയില് നിന്ന് കൊണ്ടുവന്ന പഞ്ചസാര സൊമാലിയ തുറമുഖത്ത് ഇറക്കിയ ശേഷം മടങ്ങുമ്പോഴാണ് കൊള്ളക്കാര് കപ്പല് പിടിച്ചെടുത്തത്.
സൌദി അറേബ്യയ്ക്കും സൊമാലിയയ്ക്കും ഇടയില് സ്ഥിരമായി ചരക്ക് ഗതാഗതം നടത്തുന്ന കപ്പലാണ് കൊള്ളക്കാര് പിടിച്ചെടുത്തത്. വ്യാപാര മേഖലയിലുള്ള തര്ക്കങ്ങളാവാം തട്ടിയെടുക്കലിന് പിന്നിലെന്ന് സംശയിക്കുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ