ഇന്ത്യന് റയില്വെയില് 1.7 ലക്ഷം ഒഴിവുകള് ഉണ്ടെന്ന് കേന്ദ്ര റയില്വെ മന്ത്രി മമത ബാനര്ജി. നിലവിലുള്ള തെരഞ്ഞെടുക്കല് പ്രക്രിയയുടെ അവലോകനം നടത്തിയ ശേഷം ഒഴിവുകള് നികത്തുമെന്ന് മമത വെള്ളിയാഴ്ച രാജ്യസഭയെ അറിയിച്ചു.
മഹാരാഷ്ട്ര, കര്ണാടക, ഗുവാഹതി തുടങ്ങിയ ഇടങ്ങളില് ആര് ആര് ബി പരീക്ഷകളെ സംബന്ധിച്ച് പ്രാദേശിക വാദം നിലനില്ക്കുന്നുണ്ട്. തെരഞ്ഞെടുക്കല് പ്രക്രിയ അവലോകനം നടത്തി പഴുതുകള് അടച്ച ശേഷം ഒഴിവുകള് നികത്തും, മമത ഒരു ചോദ്യത്തിനു മറുപടിയായി പറഞ്ഞു.
റയില്വെയില് മൊത്തം 15,66,964 തൊഴിലാളികളെ നിയമിക്കാന് കഴിയും. ഇതില്, 1,72,444 ഒഴിവുകള് ആണ് ഇപ്പോഴുള്ളത്. ഗ്രൂപ്പ് “സി”യില് 1,12,566 ഉം ഗ്രൂപ്പ് “ഡി”യില് 58,329 ഉം ഒഴിവുകള് ഉണ്ട്. “എ”, “ബി” എന്നീ ഗ്രൂപ്പുകളില് 1,549 ഒഴിവകളും റിപ്പോര്ട്ട് ചെയ്യപ്പെട്ടിട്ടുണ്ട് എന്നും മമത പറഞ്ഞു.
ഗ്രൂപ്പ് “സി”യില് പട്ടിക ജാതിക്കാരുടെ 1,814 ഒഴിവുകളും പട്ടിക വര്ഗക്കാരുടെ 1,688 ഒഴിവുകളും നികത്താനുണ്ട്. എന്നാല്, “എ”, “ബി” ഗ്രൂപ്പുകളില് ഈ വിഭാഗങ്ങളില് നിന്നുള്ള ഒഴിവുകള് നികത്താനില്ല എന്നും മമത പറഞ്ഞു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ