പശ്ചിമ ബംഗാളിലെ പടിഞ്ഞാറന് മിഡ്നാപ്പൂര് ജില്ലയില് മാവോയിസ്റ്റുകളുടെ അധീനതയിലായിരുന്ന കദസോള് മോചിപ്പിച്ച ശേഷം സൈനികര് മൊഹുല്റ്റല് ഗ്രാമത്തിലേക്ക് കടക്കുന്നു. നക്സല് ശക്തി കേന്ദ്രമായ രാംഗഡിലേക്കുള്ള പാതയിലാണ് മൊഹുല്റ്റല്.
“പീപ്പിള്സ് കമ്മിറ്റി എഗന്സ്റ്റ് പൊലീസ് അട്രോസിറ്റീസ്” എന്ന സംഘടനയുടെ നേതൃത്വത്തില് മാവോയിസ്റ്റുകളും ഗോത്ര വര്ഗ്ഗക്കാരും എതിര്പ്പ് ശക്തമാക്കുന്ന സാഹചര്യത്തില് ഇന്ന് നടക്കുന്ന സൈനിക മുന്നേറ്റം ഗൌരവതരമായിരിക്കും എന്ന് ഡിഐജി എസ് എന് ഗുപ്ത മാധ്യമങ്ങളോട് പറഞ്ഞു.
വെള്ളിയാഴ്ച 45 മിനിറ്റ് നീണ്ട സൈനിക നടപടിക്ക് ഒടുവിലാണ് കദസോളില് നിന്ന് മാവോയിസ്റ്റുകളെ ഒഴിപ്പിച്ചത്. വടക്കന് പ്രദേശത്തു നിന്ന് രാംഗഡിലൂടെ ലാല്ഗഡിലേക്കായിരിക്കും ഇനിയുള്ള സൈനിക മുന്നേറ്റം.
സി ആര് പി എഫ്, ഇന്ത്യ റിസര്വ് ബറ്റാലിയന്, സംസ്ഥാന സായുധ പൊലീസ്, ദ്രുതകര്മ്മ സേന എന്നീ വിഭാഗങ്ങളാണ് മാവോയിസ്റ്റുകള്ക്കെതിരെ സൈനിക മുന്നേറ്റം നടത്തുന്നത്. ജൂണ് 20 ന് ലാല്ഗഡ് പൊലീസ് സ്റ്റേഷന് മാവോയിസ്റ്റുകളില് നിന്ന് മോചിപ്പിച്ചിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ