പൂഞ്ചിലെ മെന്ദര് വനത്തില് ഒളിച്ചു കഴിഞ്ഞിരുന്ന ഭീകരര്ക്കെതിരെ നടത്തിവന്ന സൈനിക നടപടി വ്യാഴാഴ്ച രാത്രിയോടെ ഉപേക്ഷിച്ചു. വിപരീത കാലാവസ്ഥയുടെ മറപറ്റി ഭീകരര് വനപ്രദേശത്തു നിന്ന് രക്ഷപെട്ടിരിക്കും എന്ന നിഗമനത്തെ തുടര്ന്നാണ് സൈനിക നടപടി ഉപേക്ഷിച്ചത്.
വ്യാഴാഴ്ച സൈനികര് നടത്തിയ തെരച്ചിലില് ഭീകരരുടെ ഭാഗത്ത് നിന്ന് ചെറുത്ത് നില്പ്പുകള് ഉണ്ടായില്ല എങ്കിലും സൈന്യം രാത്രി വൈകുവോളം നടപടി തുടര്ന്നിരുന്നു.
വനത്തിലെ ഗുഹകളില് ഒളിച്ച് കഴിഞ്ഞായിരുന്നു ഭീകരര് ആക്രമണം നടത്തിയിരുന്നത്. സൈന്യം മൂന്ന് ഗുഹകള് തകര്ത്തിരുന്നു. രണ്ട് വാതിലുകളുള്ള ഗുഹകളിലാണ് ഭീകരര് കഴിഞ്ഞിരുന്നത്. ഇവിടെ നിന്ന് ആയുധങ്ങളും ഭക്ഷ്യ എണ്ണ, ഗ്യാസ് സിലിണ്ടറുകള് തുടങ്ങിയവയും സൈന്യം കണ്ടെടുത്തിരുന്നു.
ഭീകരര് ഒരു ജൂനിയര് കമ്മീഷന്ഡ് ഓഫീസറെയും ജവാനെയും വധിച്ചതിനെ തുടര്ന്ന് ജനുവരി ഒന്നിനാണ് ഏറ്റുമുട്ടല് ആരംഭിച്ചത്. ഓഫീസറുടെ പക്കല് ഉണ്ടായിരുന്ന തോക്ക് ഭീകരര് തട്ടിയെടുത്തിരുന്നു.ഏറ്റുമുട്ടലില് ഒരു സൈനികനും നാല് ഭീകരരും കൊല്ലപ്പെട്ടു.
| 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ