പൂഞ്ചിലെ ഭട്ടി ദറില് കഴിഞ്ഞ ഒരാഴ്ചയായി ഒളിയുദ്ധം നടത്തുന്ന ഭീകരര്ക്കെതിരെ അന്തിമ ആക്രമണത്തിന് തയ്യാറായതായി സൈന്യം ബുധനാഴ്ച വെളിപ്പെടുത്തി.
കനത്തമഞ്ഞും പ്രതികൂല കാലാവസ്ഥയും നിലനില്ക്കുമ്പോഴും ഉള്വനത്തില് മറഞ്ഞിരിക്കുന്ന ഭീകരര്ക്കെതിരെ സൈന്യം അവസാന ഏറ്റുമുട്ടലിന് തയ്യാറായതായി ബ്രിഗേഡിയര് ഗുര്ദീപ് സിംഗ് മാധ്യമങ്ങളെ അറിയിച്ചു. വനത്തില് ഗുഹകള്ക്കുള്ളിലാണ് ഭീകരര് മറഞ്ഞിരിക്കുന്നത്. ഇതിനോടകം ഇത്തരത്തിലുള്ള രണ്ട് ഗുഹകള് സൈന്യം തകര്ത്തതായും ഭീകരര് ഉപയോഗിച്ചിരുന്ന റേഡിയോ സെറ്റുകള്, ആയുധങ്ങള് എനിവ പിടിച്ചെടുത്തതായും ബ്രിഗേഡിയര് വെളിപ്പെടുത്തി.
മറഞ്ഞിരിക്കുന്ന ഭീകരരുടെ എണ്ണത്തെ കുറിച്ച് വ്യക്തമായ ധാരണയില്ല. എന്നാല്, 350 സൈനികര് ഓപ്പറേഷനില് പങ്കെടുക്കുന്നു എന്ന് ഗുര്ദീപ് സിംഗ് പറഞ്ഞു.
ഒരാഴ്ച നീണ്ട ഏറ്റുമുട്ടലില് മൂന്ന് സൈനികരും നാല് ഭീകരം കൊലപ്പെട്ടതായാണ് റിപ്പോര്ട്ടുകള്. ഭീകരരുടെ മൃഹദേഹങ്ങള് കണ്ടെടുത്തിട്ടില്ല. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ