മുംബൈ ഭീകരാക്രമണത്തിനു പിന്നില് പാകിസ്ഥാന് ആണെന്ന് പ്രധാനമന്ത്രി ഡോ: മന്മോഹന് സിംഗ് പറഞ്ഞു. ന്യൂഡല്ഹിയില് ഭീകരതയ്ക്കെതിരെ കൈക്കൊള്ളേണ്ട നടപടികളെക്കുറിച്ച് ചര്ച്ച ചെയ്യാന് വിളിച്ചു ചേര്ത്ത മുഖ്യമന്ത്രിമാരുടെ യോഗത്തില് സംസാരിക്കുകയായിരുന്നു അദ്ദേഹം.
ആക്രമണം സംഘടിപ്പിച്ചത് ലഷ്കര് ഇ തൊയ്ബയാണ്. മുംബൈ ആക്രമണത്തിനു ശേഷം പാകിസ്ഥാന് യുദ്ധത്തിനു ശ്രമിക്കുകയാണെന്നും അദ്ദേഹം പറഞ്ഞു.
ആഭ്യന്തര സുരക്ഷാ വെല്ലുവിളികളെ നേരിടാന് ഇന്ത്യ സജ്ജമാണ്. രാജ്യത്തിന്റെ ആഭ്യന്തര സുരക്ഷയ്ക്കായി ഇന്റലിജന്സ് സംവിധാനത്തില് ആവശ്യമായ മാറ്റങ്ങള് വരുത്തും. ഇതിനായി സംസ്ഥാന സര്ക്കാരുകള് കേന്ദ്രവുമായി സഹകരിച്ച് പ്രവര്ത്തിക്കണം. രാജ്യത്തിന്റെ തീരദേശമേഖലയുടെ സുരക്ഷ ശക്തിപ്പെടുത്തുകയാണ് അടുത്ത ലക്ഷ്യമെന്നും പ്രധാനമന്ത്രി പറഞ്ഞു.
അതേസമയം തീവ്രവാദം നേരിടാന് എല്ലാ സംസ്ഥാനങ്ങളുമായി യോജിച്ച് പ്രവര്ത്തിക്കുമെന്ന് ആഭ്യന്തമന്ത്രി പി ചിദംബരം പറഞ്ഞു. എല്ലാ സംസ്ഥാനങ്ങളിലും ഭീകരവാദ വിരുദ്ധ സ്ക്വാഡ് രൂപീകരിക്കണം. തീവ്രവാദം നേരിടാന് ഇന്റലിജന്സ് സംവിധാനം ശക്തിപ്പെടുത്തണം. രഹസ്യാന്വേഷണ ചുമതലയുള്ള ഒരു പോലീസ് ഉദ്യോഗസ്ഥന് എല്ലാ സ്റ്റേഷനിലും ഉണ്ടാകണം എന്നും അദ്ദേഹം പറഞ്ഞു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ