സ്വാതന്ത്ര്യത്തിനു വേണ്ടി ജീവന് ബലിയര്പ്പിച്ച ഭഗത് സിംഗിന്റെ സ്മരണയ്ക്കായി പാര്ലമെന്റ് ഹൌസ് കോംപ്ലക്സില് ഭഗത് സിംഗിന്റെ പ്രതിമ രാഷ്ട്രപതി പ്രതിഭാ പാട്ടീല് അനാവരണം ചെയ്തു. രാജ്യത്തിന്റെ അറുപത്തിരണ്ടാം സ്വാതന്ത്ര്യ ദിന ആഘോഷങ്ങളോട് അനുബന്ധിച്ചാണ് ഈ പ്രതിമ അനാവരണ ചടങ്ങ് സംഘടിപ്പിച്ചത്.
വെങ്കലത്തില് തീര്ത്ത പതിനെട്ട് അടി ഉയരമുള്ള പ്രതിമയാണിത്. വെള്ളിയാഴ്ച രാവിലെ നടന്ന ചടങ്ങില് ഉപരാഷ്ട്രപതി ഹമീദ് അന്സാരി, പ്രധാനമന്ത്രി ഡോ.മന്മോഹന് സിംഗ്, ലോക്സഭാ സ്പീക്കര് സോമനാഥ് ചാറ്റര്ജി, യു.പി.എ അധ്യക്ഷ സോണിയാ ഗാന്ധി, പ്രതിപക്ഷ നേതാവ് എല്.കെ.അദ്വാനി എന്നിവരും പങ്കെടുത്തു.
പ്രസിദ്ധ ശില്പിയായ റാം വി സുതാര് നിര്മ്മിച്ചതാണ് ഈ പ്രതിമ. ലോക്സഭാ സെക്രട്ടറിയേറ്റാണ് പ്രതിമാ നിര്മ്മാണം സംബന്ധിച്ച ചെലവ് വഹിച്ചത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
