ജമ്മുകശ്മീരിലെ നൌഗാമില് ബുധനാഴ്ച പാകിസ്ഥാന് സൈന്യം പ്രകോപനമില്ലാതെ ഇന്ത്യന് പോസ്റ്റിനു നേര്ക്ക് വെടിവയ്പ് നടത്തി എന്ന് റിപ്പോര്ട്ടുകള്.
ഉച്ചയ്ക്ക് ശേഷമാണ് വെടിവയ്പ് ഉണ്ടായത്. ഇന്ത്യന് സൈനികരും തിരികെ വെടിവച്ചു. പതിനഞ്ച് മിനിറ്റോളം വെടിവയ്പ് നടന്നു. ഇരുഭാഗത്തും ആളപായമൊന്നുമില്ല എന്ന് സൈനികവൃത്തങ്ങള് പറയുന്നു.
രണ്ടാഴ്ചയ്ക്കുള്ളില് പാകിസ്ഥാന് നടത്തുന്ന മൂന്നാമത്തെ വെടിനിര്ത്തല് കരാര് ലംഘനമാണിത്. കഴിഞ്ഞ തവണ പാകിസ്ഥാന് നടത്തിയ വെടിവയ്പില് ഒരു ഇന്ത്യന് സൈനികനും ഇന്ത്യ നടത്തിയ പ്രത്യാക്രമണത്തില് നാല് പാകിസ്ഥാന് സൈനികരും കൊല്ലപ്പെടുകയുണ്ടായി.
ഇരു സൈന്യങ്ങളും ഫ്ലാഗ് മീറ്റിംഗ് നടത്തിയതിനെ തുടര്ന്നായിരുന്നു അതിര്ത്തിയില് സമാധാനം പുനസ്ഥാപിച്ചത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ