നഗരത്തെ നടുക്കിയ സ്ഫോടന പരമ്പര സംബന്ധിച്ച് അന്വേഷണം പുരോഗമിക്കുന്നതിനിടെ, പൊട്ടാതെ അവശേഷിച്ച ഒരു ബോംബ് സുരക്ഷാ ഉദ്യോഗസ്ഥര് കണ്ടെത്തി. ബാംഗ്ലൂര് നഗരത്തിലെ ഫോറം മാളിനു സമീപമാണ് ബോംബ് കണ്ടെത്തിയത്.
ഈ പ്രദേശത്തിന്റെ നിയന്ത്രണം പോലീസ് ഏറ്റെടുത്തു. ഇവിടത്തെ ഗതാഗതവും നിര്ത്തിവച്ചിരിക്കുകയാണ്. ബോംബ് സ്ക്വാഡ് സ്ഥലത്തെത്തിയിട്ടുണ്ട്. വെള്ളിയാഴ്ച ഉച്ചയ്ക്കുണ്ടായ ഏഴു സ്ഫോടനങ്ങളില് 2 പേര് കൊല്ലപ്പെടുകയും 20ഓളം പേര്ക്കു പരിക്കേല്ക്കുകയും ചെയ്തിരുന്നു.
സ്ഫോടനത്തിന്റെ ഉത്തരവാദിത്വം തീവ്രവാദി സംഘടനകളൊന്നും ഏറ്റെടുത്തിട്ടില്ല. എന്നാല് പാകിസ്ഥാന് ആസ്ഥാനമായുള്ള ലഷ്കര്-ഇ-തൊയ്ബ, നിരോധിത വിദ്യാര്ത്ഥി സംഘടനയായ സിമി എന്നിവ സംയുക്തമായാണ് ആക്രമണം നടത്തിയതെന്ന നിഗമനത്തിലാണ് ആഭ്യന്തര മന്ത്രാലയം.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
