രാജസ്ഥാനിലെ ജയ്പ്പൂരില് ചൊവ്വാഴ്ച സ്ഫോടനങ്ങള് നടത്തുവാന് ആര്ഡിഎക്സ് ഉപയോഗിച്ചിട്ടില്ലെന്നും മറിച്ച് നിയോജെല്-90 ആണ് ഉപയോഗിച്ചതെന്നും കേന്ദ്ര സുരക്ഷാ ഏജന്സികള് ബുധനാഴ്ച അറിയിച്ചു. റോഡ് നിര്മ്മാണത്തിന് ഉപയോഗിക്കുന വസ്തുവാണ് നിയോജെല്-90.
നിയോജെല്-90 എന്ന പദാര്ത്ഥത്തെ ചെമ്പ് തകിടുകള് ഉപയോഗിച്ച് പൊതിഞ്ഞിരുന്നുവെന്നാണ് അന്വേഷണ ഏജന്സികളുടെ നിഗമനം. ചെമ്പ് പോലുള്ള ലോഹങ്ങളുടെ സാമീപ്യത്തില് നിയോജെല് മാരകമായ നാശനഷ്ടങ്ങള് ഉണ്ടാക്കും.
നിയോജെല്-90 ഉപയോഗിച്ച് ഇന്ത്യയില് ആദ്യമായിട്ടാണ് സ്ഫോടനങ്ങള് നടത്തുന്നത്. 2005 ല് കേരളത്തിലെ പാലക്കാട് ജില്ലയില് നിന്ന് നിയോജെല്-90 ന്റെ ശേഖരം പിടിച്ചെടുത്തിരുന്നു.
2006ല് നേപ്പാളിലെ കാണ്ടിപ്പൂരില് നിന്ന് 475 കിലോഗ്രാം നിയോജെല്-90 പിടിച്ചെടുത്തിരുന്നു. ജയ്പ്പൂരിലെ സ്ഫോടനങ്ങള്ക്കായി ഒരു കിലോഗ്രാം ആര്ഡിഎക് ഉപയോഗിച്ചുവെന്നായിരുന്നു രാജസ്ഥാന് പൊലീസിന്റെ നിഗമനം.
ഒരു കിലോഗ്രാം ആര്ഡിഎക്സ് കൊണ്ട് ഇത്രയും കനത്ത നാശം ഉണ്ടാക്കുവാന് കഴിയുകയില്ലെന്ന് കേന്ദ്ര അന്വേഷണ ഏജന്സിയിലെ വിദഗ്ധര് പറയുന്നു.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ