റെയില്വേയുടെ നവീകരണം ലക്ഷ്യമാക്കിയുള്ള റെയില്വേ വിഷന് 2025 നടപ്പിലാക്കുമെന്ന് റെയില്വേ മന്ത്രി ലാലു പ്രസാദ് യാദവ് പറഞ്ഞു. പാര്ലമെന്റില് റെയില്വേ ബജറ്റ് അവതരിപ്പിക്കുന്നവേളയിലാണ് അദ്ദേഹം ഇത് അറിയിച്ചത്
‘ആറുമാസത്തിനുള്ളില് ഇതിന്റെ രൂപരേഖ തയ്യാറാക്കും. ലക്ഷ്യങ്ങള് നേടുന്നതിന് ആവശ്യമായ നിക്ഷേപത്തെക്കുറിച്ച് ഈ രൂപരേഖ വ്യക്തമാക്കും. ഇതിനു പുറമെ ഉപഭോക്താക്കള്ക്കായി നടപ്പാക്കുവാന് ഉദ്ദേശിക്കുന്ന സൌകര്യങ്ങള്, ചരക്ക് കടത്തുമായി ബന്ധപ്പെട്ടുള്ള പുതിയ പദ്ധതികള് എന്നിവയെക്കുറിച്ചും രൂപരേഖ വ്യക്തമാക്കും.
റെയില്വേക്ക് ഈ രൂപരേഖ പുതിയ തുടക്കം നല്കും. ഇതിനു പുറമെ റെയില്വേ മാനേജ്മെന്റിനും തൊഴിലാളികള്ക്കും സ്വയം നവീകരണത്തിന് ആവശ്യമായ പ്രചോദനം നല്കും‘; ലാലു പറഞ്ഞു. റെയില്വേയുടെ ആധുനീകരണത്തിനായി അടുത്ത അഞ്ചു വര്ഷം 250 000 കോടി രൂപ ചെലവഴിക്കും. അടുത്ത സാമ്പത്തിക വര്ഷത്തിലേക്കായി 37500 കോടി രൂപയാണ് ചെലവഴിക്കുക.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
