പൈപ്പു പൊട്ടല് തുടര്‍ക്കഥയായ തിരുവന്ന്തപുരത്ത് വീണ്ടും പൈപ്പു പൊട്ടി കുടിവെള്ളം മുടങ്ങി. ഇന്ന് രാവിലെയാണ് അരുവിക്കര ജലസംഭരണയില്‍ നിന്ന് ജലമെത്തിക്കുന്ന സബ്‌ലൈന്‍ അമ്പലമുക്കിന് സമീപത്ത് വച്ച് പൊട്ടിയത്.
ഇതോടെ അമ്പലംമുക്ക്, കേശവദാസപുരം, നാലാഞ്ചിറ, മെഡിക്കല്‍ കോളേജ്, ശ്രീകാര്യം, മണ്‍വിള തുടങ്ങിയ ഭാഗങ്ങളില്‍ കുടിവെള്ള വിതരണം മുടങ്ങി.
പൈപ്പ് പൊട്ടി വെള്ളം ശക്തിയായി ഒലിച്ചതോടെ റോഡിന്റെ 50 മീറ്ററോളം തകരുകയും ചെയ്തു പൊട്ടല് പരിഹരിക്കാനായി വാട്ടര്‍ അതോറിറ്റി ശ്രമം തുടങ്ങിയിട്ടുണ്ട്. വൈകിട്ടോടെ ജലവിതരണം പുന:സ്ഥാപിക്കാനാവുമെന്നാണ് കരുതുന്നത്.
