മുഖ്യമന്ത്രി വി എസ് അച്യുതനാന്ദന്‍ വീണ്ടും പോളിറ്റ് ബ്യൂറോയിലേക്ക്. പി ബിയിലെ മുതിര്‍ന്ന അംഗങ്ങള്‍ വി എസിനെ തിരിച്ചുകൊണ്ടു വരികയെന്ന കാര്യത്തില്‍ തീരുമാനമെടുക്കാനായി ഇപ്പോള്‍ യോഗം ചേരുകയാണ്. രണ്ട് ദിവസമാ‍യി തുടരുന്ന കേന്ദ്ര കമ്മിറ്റി യോഗത്തിനിടെയാണ് അടിയന്തിരമായി അവൈലബിള്‍ പി ബി ചേരുന്നത്.
2009 ജൂലൈ 11നാണ് പാര്‍ട്ടി അച്ചടക്കം ലംഘിച്ചു എന്നതിന്‍റെ പേരില്‍ വി എസിനെ പി ബി യില്‍ നിന്ന് പുറത്താക്കിയത്. അതിനുശേഷം ഇത്രയുംകാലം പാര്‍ട്ടിക്ക് വിധേയനാണ് അദ്ദേഹം പ്രവര്‍ത്തിച്ചത്. ഇക്കാര്യം മുന്‍‌നിര്‍ത്തിയാണ് വി എസിനെതിരായ നടപടി പുന:പരിശോധിക്കാന്‍ പി ബി ഇപ്പോള്‍ തീരുമാനിച്ചിരിക്കുന്നത്.
അവൈലബിള്‍ പി ബിയുടെ തീരുമാനം വെള്ളിയാഴ്ച കേന്ദ്രകമ്മിറ്റിയില്‍ റിപ്പോര്‍ട്ട് ചെയ്യും. ഇതിനുശേഷം കേന്ദ്ര കമ്മിറ്റി അംഗീകാരത്തോടെ വി എസ് പിബിയില്‍ തിരിച്ചെത്തുമെന്നാണ് കരുതുന്നത്.
