കെ മുരളീധരനെ കോണ്ഗ്രസില് തിരിച്ചെടുക്കുന്നതിനോട് അനുകൂലമായി പ്രതികരിച്ച കേന്ദ്രമന്ത്രി മുല്ലപ്പള്ളി രാമചന്ദ്രനെതിരെ മലപ്പുറത്ത് കോണ്ഗ്രസ് പ്രവര്ത്തകരുടെ പ്രതിഷേധം. മുല്ലപ്പള്ളി രാമചന്ദ്രന് മലപ്പുറം ഡി സി സി ഓഫീസിലെത്തിയപ്പോഴായിരുന്നു പ്രതിഷേധം. സംഘടിച്ചെത്തിയെ പ്രവര്ത്തകര് മുല്ലപ്പള്ളിക്കെതിരേയും കെ മുരളീധരനേയും മുദ്രാവാക്യം മുഴക്കി.
മലപ്പുറത്ത് വിവിധ സ്ഥലങ്ങളില് നടക്കുന്ന സ്വീകരണ യോഗങ്ങളില് പങ്കെടുക്കാനെത്തിയതായിരുന്നു മുല്ലപ്പള്ളി. മുരളീധരനെ തിരിച്ചെടുത്ത് ഗ്രൂപ്പ് കളിക്കാന് നോക്കേണ്ട എന്നായിരുന്നു പ്രതിഷേധക്കാരുടെ പ്രധാന മുദ്രാവാക്യം. പ്രതിഷേധത്തെ കുറിച്ച് പ്രതികരിക്കാന് മുല്ലപ്പള്ളി തയ്യാറായില്ല. പ്രതികരിക്കാന് എല്ലാവര്ക്കും അവകാശമുണ്ട് എന്ന് പറഞ്ഞ അദ്ദേഹം ഇതേകുറിച്ച് കൂടുതല് പ്രതികരിക്കുന്നില്ലെന്ന് പറഞ്ഞു.