പ്രധാന താള് » വാര്ത്താലോകം » വാര്ത്ത » കേരള വാര്ത്ത » തോണിയപകടം: നേവി അരീക്കോട്ടേക്ക് (Navy to the rescue at Areekkod)
Feedback
Print
തോണിയപകടം: നേവി അരീക്കോട്ടേക്ക് 
മലപ്പുറം, ബുധന്, 4 നവംബര് 2009( 19:46 IST )
PRO
PROസംഭവത്തെക്കുറിച്ച് അടിയന്തിര രക്ഷാപ്രവര്ത്തനം നടത്താന് കലക്ടര്ക്ക് നിര്ദ്ദേശം നല്കിയതായി മുഖ്യമന്ത്രി അറിയിച്ചു. അന്വേഷണ റിപ്പോര്ട്ടും ആവശ്യപ്പെട്ടിട്ടുണ്ട്. കലക്ടറോട് രക്ഷാപ്രവര്ത്തനങ്ങള് ഏകോപിപ്പിക്കാന് റവന്യൂമന്ത്രി നിര്ദ്ദേശം നല്കി.
അരീക്കോട് ഭാഗത്തേക്ക് വരികയായിരുന്ന കുട്ടികളാണ് അപകടത്തില്പ്പെട്ടത്. ഏഴ് ആണ്കുട്ടികളും ഒരു പെണ്കുട്ടിയുമാണ് മരിച്ചത്. പ്ലസ് വണ്, പ്ലസ് ടു വിദ്യാര്ത്ഥികളായ സുഹൈല്, മുഹമ്മദ് മുഫ്തി, തോയിബ, ഷമീന്, സിറാജ്, ശിഹാബ്, തൌഫീഖ്, ഷാഹിദലി എന്നിവരാണ് മരിച്ച വിദ്യാര്ത്ഥികള്.
വിദ്യാഭ്യാസമന്ത്രി എം എ ബേബി, കേന്ദ്രസഹമന്ത്രി മുല്ലപ്പള്ളി രാമചന്ദ്രന് എന്നിവര് സംഭവസ്ഥലത്തേക്ക് പുറപ്പെട്ടിട്ടുണ്ട്. അടിയന്തിര പ്രവര്ത്തനങ്ങള്ക്കായി മലപ്പുറം ഡി എം ഒയ്ക്കും കോഴിക്കോട് മെഡിക്കല് കോളജ് സൂപ്രണ്ടിനും ആരോഗ്യമന്ത്രി നിര്ദ്ദേശം നല്കിയിട്ടുണ്ട്.