പ്രധാന താള് » വാര്ത്താലോകം » വാര്ത്ത » കേരള വാര്ത്ത » ഒ പി ബഹിഷ്കരണം: ഡോക്ടര്മാരുടെ പട്ടിക അവശ്യപ്പെട്ടു (Govt.asks striking doctors list)
Feedback
Print
ഒ പി ബഹിഷ്കരണം: ഡോക്ടര്മാരുടെ പട്ടിക അവശ്യപ്പെട്ടു 
തിരുവനന്തപുരം, ശനി, 24 ഒക്ടോബര് 2009( 16:48 IST )
PRO
സര്ക്കാര് ഡോക്ടര്മാരുടെ സംഘടനയായ കെ ജി എം സി ടി ഒ നേതാക്കള്ക്കെതിരേ അച്ചടക്ക നടപടിയെടുക്കാനുള്ള സര്ക്കാര് നീക്കത്തില് പ്രതിഷേധിച്ചാണ് സര്ക്കാര് ഡോക്ടര്മാര് ഇന്ന് ഒ പി ബഹിഷ്കരിച്ചത്. തിരുവനന്തപുരം മെഡിക്കല് കോളജില് മുഴുവന് സമയവും മറ്റ് മെഡിക്കല് കോളജുകളില് രണ്ട് മണിക്കൂറുമായിരുന്നു ബഹിഷ്കരണം.
സീനിയര് ഡോക്ടര്മാര്ക്ക് പകരം റസിഡന്റ് ഡോക്ടര്മാരും ജൂനിയര് ഡോക്ടര്മാരുമായിരുന്നു ഇന്ന് ഒ പിയില് പരിശോധന നടത്തിയത്. അതേസമയം തിരുവനന്തപുരം മെഡിക്കല് കോളജില് നിന്നു സ്ഥലംമാറ്റിയ രണ്ട് ഡോക്ടര്മാരുടെ സ്ഥലംമാറ്റ ഉത്തരവ് പിന്വലിച്ചില്ലെങ്കില് തിങ്കളാഴ്ചമുതല് ദീര്ഘകാല അവധിയില് പ്രവേശിക്കുമെന്ന് തിരുവനന്തപുരം കെ ജി എം സി ടി എ യൂണിറ്റ് സര്ക്കാരിന് മുന്നറിയിപ്പ് നല്കി.
എന്നാല് അധ്യാപകക്ഷാമം പരിഹരിക്കുന്നതിനാണ് സ്ഥലംമാറ്റ നടപടിയെന്നും ഉത്തരവ് പിന്വലിക്കില്ലെന്നും ആരോഗ്യവകുപ്പിന്റെ നിലപാട്. ഇതിനിടെ സമരം ചെയ്യുന്ന സംഘടനാ നിലപാടില് പ്രതിഷേധിച്ച് തൃശൂര് കെ ജി എം സി ടി എ യൂണിറ്റ് പ്രസിഡന്റ് ഡോ.നാരായണ് ഗോവിന്ദരാജ് സംഘടയില് നിന്നു രാജിവെച്ചു