പ്രധാന താള് » വാര്ത്താലോകം » വാര്ത്ത » കേരള വാര്ത്ത » ബിനോയ് വിശ്വത്തിന് സി പി ഐ വിമര്ശനം (CPI criticized binoy)
Feedback
Print
ബിനോയ് വിശ്വത്തിന് സി പി ഐ വിമര്ശനം 
തിരുവനന്തപുരം, ബുധന്, 14 ഒക്ടോബര് 2009( 19:25 IST )
PRO
വന്കിട പദ്ധതികള്ക്ക് അതിവേഗ അനുമതി നല്കുന്നതിനോട് ബിനോയ് വിശ്വത്തിന് എന്തെങ്കിലും എതിരഭിപ്രായമുണ്ടെങ്കില് അക്കാര്യം ആദ്യം അറിയിക്കേണ്ടത് തങ്ങളെയായിരുന്നുവെന്ന് പാര്ട്ടി സംസ്ഥാന സെക്രട്ടറി വെളിയം ഭാര്ഗവന് പറഞ്ഞു. ബിനോയ് അടിയന്തിരമായി എം എന് സ്മാരകമന്ദിരത്തിലെത്തി വിശദീകരണം നല്കണമെന്ന് വെളിയം ആവശ്യപ്പെട്ടിട്ടുണ്ട്. ബര്ദന് കത്തയയ്ക്കാന് ഉണ്ടായ സാഹചര്യം വിശദീകരിക്കണമെന്ന് റവന്യൂ മന്ത്രി കെ പി രാജേന്ദ്രനോടും പാര്ട്ടി ആവശ്യപ്പെട്ടിട്ടുണ്ട്.
വന്കിട പദ്ധതികള് കേരളത്തില് വരണമെന്നാണ് സി പി ഐയുടെ നിലപാട്. വ്യവസായ വികസനം വേണ്ടെന്ന് ചിലര് നിലപാട് സ്വീകരിക്കുന്നത് കഥയില്ലായ്മയാണ്. ഇക്കാര്യത്തില് സി പി ഐ മന്ത്രിമാര്ക്കും എതിരഭിപ്രായം ഉണ്ടാകാനിടയില്ല - വെളിയം പറഞ്ഞു.
വന്കിട പദ്ധതികള്ക്ക് അതിവേഗ അനുമതി നല്കാനുള്ള സി പി എം ശ്രമത്തിനെതിരെയാണ് സി പി ഐ മന്ത്രിമാരായ ബിനോയ് വിശ്വവും കെ പി രാജേന്ദ്രനും ബര്ദന് കത്തയച്ചത്.