നിലവിലുള്ള സ്വാശ്രയകരാറിലെ ഏതെങ്കിലും വ്യവസ്ഥ റദ്ദാക്കിയാല് സര്ക്കാരുമായി സഹകരിക്കില്ലെന്ന് സ്വശ്രയ മാനേജ്മെന്റ് അസോസിയേഷന് വ്യക്തമാക്കി. പുതിയ കരാറില് ഒപ്പിടാനോ, സര്ക്കാരുമായി സഹകരിക്കാനോ തയ്യാറാകില്ലെന്ന് എഞ്ചിനീയറിംഗ് മാനേജ്മെന്റ് അസോസിയേഷന് പ്രസിഡന്റ് ജി പി സി നായര് അറിയിച്ചു.
നിലവിലുള്ള കരാറില് ഒപ്പിട്ടതു തന്നെ പരമാവധി നഷ്ടം സഹിച്ചാണ്. സര്ക്കാര് രാഷ്ട്രീയ സമ്മര്ദ്ദങ്ങള്ക്കു കീഴടങ്ങരുത്. നിലവിലെ വ്യവസ്ഥകളില് നിന്നു സര്ക്കാര് പിന്മാറിയാല് അത് വിദ്യാര്ഥികളെ ദോഷകരമായി ബാധിക്കുമെന്നും ജി പി സി നായര് വ്യക്തമാക്കി.
നിലവില സ്വാശ്രയ കരാര് പുന:പരിശോധിക്കണമെന്ന് ആവശ്യപ്പെട്ട് സി പി ഐ മന്ത്രിമാരും, വിദ്യാര്ത്ഥി സംഘടനകളും രംഗത്തു വന്നിരിക്കുന്നതിന്റെ പശ്ചാത്തലത്തിലാണ് മാനേജ്മെന്റുകള് പ്രസ്താവനയുമായി രംഗത്തെത്തിയിരിക്കുന്നത്. എന്നാല്, സ്വാശ്രയകരാര് പുന:പരിശോധിക്കില്ലെന്ന് വിദ്യാഭ്യാസമന്ത്രി വ്യക്തമാക്കിയിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ