കേന്ദ്ര റയില്വെ മന്ത്രി മമത ബാനര്ജി ഇന്ന് അവതരിപ്പിച്ച ബജറ്റ് കേരളത്തിന്റെ പ്രതീക്ഷയ്ക്കൊത്ത് ഉയര്ന്നില്ലെന്ന് റയില്വേ മുന് സഹമന്ത്രിയും, ബി ജെ പി നേതാവുമായ ഒ രാജഗോപാല് പറഞ്ഞു.
തിരുവനന്തപുരത്ത് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
ബജറ്റില് സ്വാഗതാര്ഹമായ ചില വശങ്ങള് ഉണ്ട്. പക്ഷേ, കേന്ദ്രത്തില് സംസ്ഥാനത്തിനുള്ള അനുകൂല സാഹചര്യം ഉപയോഗിച്ച് വികസനത്തിനുള്ള നടപടികള് കൈക്കൊള്ളാനായില്ലെന്നും രാജഗോപാല് കുറ്റപ്പെടുത്തി.
ഇന്ന് അവതരിപ്പിച്ച ബജറ്റില് പാലക്കാട് കോച്ച് ഫാക്ടറിയെക്കുറിച്ചും, റയില്വെ സോണിനെക്കുറിച്ചും പരാമര്ശമില്ലാത്തത് നിരാശാജനകമാണ്. ദീര്ഘദൂര തീവണ്ടികളേക്കാള് സംസ്ഥാനത്തിന് ആവശ്യം സബര്ബന് തീവണ്ടികളുടെ ഒരു നെറ്റ്വര്ക്കാണെന്നും രാജഗോപാല് പറഞ്ഞു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ