വ്യവസായ വളര്ച്ചയല്ല, പ്രസ്ഥാനത്തിന്റെ വളര്ച്ചയാണ് തൊഴിലാളി സംഘടനകളുടെയും യൂണിയനുകളുടെയും ഉദ്ദേശ്യമെന്ന് ഹൈക്കോടതി വിമര്ശിച്ചു. കാക്കനാട് കിന്ഫ്ര പാര്ക്കില് തൊഴിലാളി യൂണിയനുകളുടെ മുഴുവന് കൊടികളും കൊടിമരങ്ങളും നീക്കം ചെയ്യാന് ഉത്തരവിട്ടുകൊണ്ടാണ് ഹൈക്കോടതി ഈ പരാമര്ശം നടത്തിയത്.
തങ്ങളുടെ സ്ഥാപനത്തിനുമുന്നിലെ കൊടിമരങ്ങള് നീക്കം ചെയ്യാന് നിര്ദേശിക്കണമെന്നാവശ്യപ്പെട്ട് കിന്ഫ്ര പാര്ക്കിലെ കേര ഫൈബര്ടെക് ഇന്റര്നാഷണല് എന്ന സ്ഥാപനം കോടതിയെ സമീപിച്ചിരുന്നു. സംസ്ഥാന സര്ക്കാര് വ്യവസായ മേഖലയായി പ്രഖ്യാപിച്ചിട്ടുള്ള കിന്ഫ്ര പാര്ക്കില് തൊഴിലാളി സംഘടനകള് കൊടികള് സ്ഥാപിച്ചത് അനുമതിയില്ലാതെയാണെന്നും ഇത് നിയമവിരുദ്ധമാണെന്നും കോടതി ചൂണ്ടിക്കാട്ടി.
കൊടികളും കൊടിമരങ്ങളും നീക്കം ചെയ്യുന്നതിന് തൊഴിലാളി യൂണിയനുകള് തടസം നിന്നാല് പൊലീസ് സംരക്ഷണം നല്കണമെന്നും ജസ്റ്റിസ് എസ് സിരിജഗന് നിര്ദ്ദേശിച്ചു.
കഴിഞ്ഞ ഏപ്രിലില് അവകാശങ്ങളെക്കുറിച്ച് മാത്രമേ തൊഴിലാളി സംഘടനകള് പറയുന്നുള്ളൂ എന്നും, കടമകളെക്കുറിച്ച് അവര്ക്ക് ബോധമില്ലെന്നും കോടതി കുറ്റപ്പെടുത്തിയിരുന്നു. വ്യാവസായിക സംരംഭങ്ങള് തൊഴിലാളി സംഘടനകള് പ്രക്ഷുബ്ധമാക്കുകയാണെന്നും അന്ന് കോടതി പറഞ്ഞിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ