ഇടതുപക്ഷത്തിന്റെ ശക്തമായ കോട്ടയായ കോഴിക്കോട്ടും യു ഡി എഫ് കൊടുങ്കാറ്റില് നിലംപൊത്തി. യു ഡി എഫ് സ്ഥാനാര്ത്ഥിയായ എം കെ രാഘവന് ലോക്സഭയിലേക്കുള്ള തന്റെ കന്നി അങ്കത്തില് തന്നെ 986 വോട്ടുകള്ക്കാണ് സി പി എമ്മിലെ പി എ മുഹമ്മദ് റിയാസിനെ പരാജയപ്പെടുത്തിയത്.
പയ്യന്നൂര് കുഞ്ഞി മംഗലം സ്വദേശിയായ രാഘവന് നിലവില് കെ പി സി സി ജനറല് സെക്രട്ടറി ആണ്. തളിപ്പറമ്പ്, പയ്യന്നൂര് മണ്ഡലങ്ങളില് നിന്ന് നിയമ സഭയിലേക്കു മല്സരിച്ചു.
തളിപ്പറമ്പ് അര്ബന് കോ ഓപ്പറേറ്റീവ് ബാങ്ക് പ്രസിഡന്റ്, കണ്ണൂര് അഗ്രി ഇന്കോ ചെയര്മാന്, മാടായി സഹകരണ കോളജ് പ്രസിഡന്റ്, സംസ്ഥാനസഹകരണ ബാങ്ക് വൈസ് പ്രസിഡന്റ് എന്നീ നിലകളില് പ്രവര്ത്തിച്ചിട്ടുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ