സെക്രട്ടേറിയറ്റ് ജീവനക്കാരെ മന്ത്രി ജി സുധാകരന് വിമര്ശിച്ചതില് പ്രതിഷേധിച്ച് സെക്രട്ടേറിയറ്റില് സുധാകരന്റെ ഓഫീസിന് മുന്നില് ഇരുവിഭാഗം ജീവനക്കാര് തമ്മില് ഏറ്റുമുട്ടി. കോണ്ഗ്രസ് അനുകൂല സംഘടനയിലെ ജീവനക്കാരും, മന്ത്രിയുടെ ഓഫീസിലെ ജീവനക്കാരും തമ്മിലാണ് ഏറ്റുമുട്ടിയത്.
സംഭവം നടക്കുമ്പോള് മന്ത്രി ഓഫീസില് ഉണ്ടായിരുന്നു. സുരക്ഷാ വീഴ്ചയാണ് സംഭവങ്ങള്ക്ക് വഴിവെച്ചതെന്ന് മാത്രമാണ് സംഭവത്തെക്കുറിച്ച് പ്രതികരിച്ചു കൊണ്ട് മന്ത്രി പറഞ്ഞത്.
സെക്രട്ടേറിയേറ്റ് ജീവനക്കാര്ക്കെതിരെ സുധാകരന് നിരന്തരമായി നടത്തിവന്ന വിമര്ശനങ്ങളാണ് പ്രതിഷേധത്തിന് കാരണമായത്. ജോലിയൊന്നും ചെയ്യാതെ, തന്നെ വിമര്ശിക്കുകയാണ് സെക്രട്ടേറിയേറ്റിലെ ഉദ്യോഗസ്ഥര് ചെയ്യുന്നതെന്ന് കഴിഞ്ഞ ദിവസവും സുധാകരന് വിമര്ശിച്ചിരുന്നു. ഇതാണ് സംഘര്ഷത്തിലേക്ക് നയിച്ചത്. പൊലീസ് എത്തി സ്ഥിതി ശാന്തമാക്കി. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ