പി എസ് സി നിയമനങ്ങളിലെ മെറിറ്റ്, സംവരണം 50:50 അനുപാതത്തില് ആക്കണമെന്ന ഹൈക്കോടതി വിധി സുപ്രിംകോടതി റദ്ദാക്കിയ സാഹചര്യത്തില് വിവിധ തലങ്ങളില് വിധിയെക്കുറിച്ച് ചര്ച്ച ചെയ്ത് നിലപാട് കൈക്കൊള്ളുമെന്ന് വിദ്യാഭ്യാസമന്ത്രി എം എ ബേബി വ്യക്തമാക്കി.
നിയമവിദഗ്ധരുമായും ഇടതുമുന്നണിയിലും സര്ക്കാരിലും ഇതു സംബന്ധിച്ച് ചര്ച്ചകള് നടത്തും. ആവശ്യമെങ്കില് പ്രതിപക്ഷവുമായും സുപ്രിംകോടതി വിധിയെക്കുറിച്ച് ചര്ച്ച ചെയ്യും. സര്ക്കാര് ഏകപക്ഷീയമായി ഇക്കാര്യത്തില് ഒരു നിലപാട് വ്യക്തമാക്കാന് ആഗ്രഹിക്കുന്നില്ല - ബേബി പറഞ്ഞു.
സംവരണക്കാര്യത്തില് സുപ്രിംകോടതി വിധി നടപ്പാക്കുമെന്ന് പി എസ് സി ചെയര്മാന് കെ വി സലാഹുദ്ദീന് പറഞ്ഞു. നിയമനങ്ങളില് ഇനി കാലതാമസമുണ്ടാകില്ല. സുപ്രിംകോടതി വിധിയോടെ എല്ലാക്കാര്യങ്ങളിലും വ്യക്തത കൈവന്നിരിക്കുകയാണ് - പി എസ് സി ചെയര്മാന് അറിയിച്ചു.
20:20 അനുപാതത്തില് പി എസ് സിക്ക് നിയമനങ്ങള് തുടരാമെന്നാണ് ജസ്റ്റിസുമാരായ ആര് വി രവീന്ദ്രന്, മാര്ക്കണ്ഡേയ കട്ജു എന്നിവരടങ്ങിയ സുപ്രിംകോടതി ഡിവിഷന് ബഞ്ച് വ്യക്തമാക്കിയത്. പി എസ് സിയും എന് എസ് എസും സമര്പ്പിച്ച ഹര്ജികളിലാണ് സുപ്രിംകോടതിയുടെ ഉത്തരവ്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ