റിപ്പബ്ലിക്ക് ദിനമായ ജനുവരി 26 ന് ഭീകരാക്രമണ ഭീഷണി ഉണ്ടായേക്കുമെന്ന മുന്നറിയിപ്പിനെ തുടര്ന്ന് നെടുമ്പാശ്ശേരി വിമാനത്താവളത്തിന്റെ സുരക്ഷ ശക്തമാക്കി. രാജ്യത്തെ എല്ലാ വിമാനത്താവളങ്ങളിലും സുരക്ഷ ശക്തമാക്കുന്നതിന്റെ ഭാഗമായാണ് ഇത്. ജനുവരി 30 വരെ എല്ലാ വിമാനത്താവളങ്ങളിലും സന്ദര്ശകര്ക്ക് വിലക്കേര്പ്പെടുത്തിയിട്ടുമുണ്ട്.
കര്ശനപരിശോധനയ്ക്കു ശേഷം മാത്രമേ യാത്രക്കാരെയും അകത്തേക്ക് പ്രവേശിപ്പിക്കുകയുള്ളു. അകത്തേക്ക് കടത്തിവിടുന്നതിനു മുമ്പ് എല്ലാ വാഹനങ്ങളും പ്രവേശന കവാടത്തില് വച്ചുതന്നെ പരിശോധിക്കും. എല്ലാ ലഗേജുകളും തുറന്ന് പരിശോധിക്കും. യാത്രക്കാരുടെ ദേഹപരിശോധനയും കൂടുതല് ശക്തമാക്കിയിട്ടുണ്ട്.
ദ്രുതകര്മ്മ സേനയും ബോംബ് സ്ക്വാഡും ഡോഗ് സ്ക്വാഡും ഉള്പ്പെടെ വിമാനത്താവളത്തിലെ എല്ലാ സുരക്ഷാസംവിധാനങ്ങളും കൂടുതല് ശക്തമാക്കിയിട്ടുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ