തിരുവനന്തപുരം: എല്ലാ ക്ഷേത്രങ്ങളിലും കീഴ്ജാതിക്കാര്ക്കും പൂജ നടത്താന് അനുവാദം നല്കണമെന്ന് നിയമ പരിഷ്കരണ കമ്മീഷന് ശുപാര്ശ ചെയ്തു. ശബരിമല, ഗുരുവായൂര് എന്നീ ക്ഷേത്രങ്ങളിലും ഇത് ബാധകമാണ്. കമ്മീഷന് ചെയര്മാന് വി ആര് കൃഷ്ണയ്യരാണ് ഇക്കാര്യം അറിയിച്ചത്. ഈ മാസം 24ന് റിപ്പോര്ട്ട് സര്ക്കാരിന് സമര്പ്പിക്കും.
നിയമ പരിഷ്കരണ കമ്മീഷന്റെ മറ്റ് പ്രധാനപ്പെട്ട ശുപാര്ശകള്:
1. ബഹുഭാര്യാത്വം അനുവദിക്കുകയില്ല. ആദ്യ ഭാര്യ അനുവദിച്ചെങ്കില് മാത്രമേ രണ്ടാമത് വിവാഹം കഴിക്കാന് പാടുള്ളൂ.
2. ഹര്ത്താല് നടത്തുന്നതിന് ഒരാഴ്ച മുന്പ് നോട്ടീസ് നല്കണം. ഹര്ത്താലില് നാശനഷ്ടമുണ്ടായാല് അത് തിരിച്ചുപിടിക്കണം.
3. ദയാവധം അനുവദിക്കാവുന്നതാണ്.
നിയമമന്ത്രിക്കാണ് ഈ ശുപാര്ശകള് സമര്പ്പിക്കുക. റിപ്പോര്ട്ട് ഉടന് നടപ്പാക്കുമെന്ന് നിയമമന്ത്രി എം വിജയകുമാര് അറിയിച്ചിട്ടുണ്ട്. ഈ ശുപാര്ശകള് നടപ്പാക്കുന്നത് പരിശോധിക്കാന് ഒരു മോണിറ്ററിംഗ് കമ്മിറ്റിയെ അടുത്തമാസം ഒന്നു മുതല് നിയമിക്കും. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ