വരുന്ന ലോക്സഭാ തെരഞ്ഞെടുപ്പില് സംസ്ഥാനത്തെ 12 മണ്ഡലങ്ങളിലേക്കുള്ള സ്ഥാനാര്ത്ഥികളെ ബി ജെ പി നിശ്ചയിച്ചു. തൃശൂരില് നടന്ന സംസ്ഥാന സമിതി യോഗത്തിലാണ് സ്ഥാനാര്ത്ഥികളെ നിശ്ചയിച്ചത്. അഞ്ചിടങ്ങളില് സ്വതന്ത്രര് മത്സരിക്കും. ബാക്കി മൂന്നു സീറ്റുകളിലെ സ്ഥാനാര്ത്ഥികളെ സംബന്ധിച്ച് തര്ക്കം നിലനില്ക്കുകയാണ്.
പി എം വേലായുധന്, ശോഭാ സുരേന്ദ്രന്, മധു നായര്, എം എസ് കുമാര്, രാധാകൃഷ്ണമേനോന്, പി ജെ തോമസ്, സി കെ പത്മനാഭന്, എ എന് രാധാകൃഷ്ണന്, കെ പി ശ്രീശന്, കെ സുരേന്ദ്രന്, രമാ രഘുനന്ദന്, വി മുരളീധരന് എന്നിങ്ങനെയാണ് സ്ഥാനാര്ത്ഥികള്. തിരുവനന്തപുരത്ത് മുന് കേന്ദ്രമന്ത്രി ഒ രാജഗോപാല് മത്സരിക്കുന്നില്ല. രാജഗോപാല് പിന്മാറിയതിനെ തുടര്ന്ന് തിരുവനന്തപുരത്ത് പുതിയ സ്ഥാനാര്ത്ഥികളെ കണ്ടെത്തുന്നത് തര്ക്കത്തിനിടയാക്കി.
തൃശൂര്, കോട്ടയം എന്നിവയാണ് തര്ക്കം നിലനില്ക്കുന്ന മറ്റ് മണ്ഡലങ്ങള്. എന്തായാലും ഈ മാസം എട്ടിന് കൊച്ചിയില് ചേരുന്ന സംസ്ഥാന സമിതിയോഗത്തില് അന്തിമ തീരുമാനമാകുമെന്ന് ബി ജെ പി നേതൃത്വം അറിയിച്ചു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ