കണ്ണൂരില് നിന്നും വീണ്ടും ബോംബുകള് കണ്ടെത്തി. ജില്ലയുടെ വിവിധ ഭാഗങ്ങളില് പൊലീസ് നടത്തിയ പരിശോധനയിലാണ് പത്ത് ബോംബുകള് കൂടി കണ്ടെടുത്തത്.
പാനൂര്, കൊളവല്ലൂര് പ്രദേശങ്ങളില് നിന്നാണ് സ്റ്റീല് ബോംബുകള് കണ്ടെടുത്തത്. പ്ലാസ്റ്റിക് ബക്കറ്റില് കുഴിച്ചിട്ട നിലയിലായിരുന്നു ബോംബുകള്. കഴിഞ്ഞദിവസങ്ങളില് കൂടുതല് ബോംബുകള് കണ്ടെത്തിയതിനെ തുടര്ന്നാണ് പൊലീസ് പരിശോധന വ്യാപിപ്പിച്ചത്. പ്രത്യേക പരിശീലനം സിദ്ധിച്ച സ്ക്വാഡും പോലീസിനൊപ്പം പരിശോധന നടത്തുന്നുണ്ട്.
എ.ഡി.ജി.പി യുടെ മേല്നോട്ടത്തിലാണ് റെയ്ഡുകള് നടത്തുന്നത്. കഴിഞ്ഞ ദിവസം നടത്തിയ പരിശോധനയില് എഴ് നാടന് ബോംബുകളും മൂന്ന് ഐസ്ക്രീം ബോംബുകളും കണ്ടെടുത്തിരുന്നു. കുറച്ചു ദിവസങ്ങള്ക്ക് മുമ്പ് 125 ബോംബുകള് അന്വേഷണ സംഘം കണ്ടെത്തിയിരുന്നു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ