2010 ല് കേരളത്തില് നടക്കുന്ന ദേശീയ ഗയിംസിന്റെ നടത്തിപ്പിനായി നാഷണല് ഗയിംസ് സെക്രട്ടേറിയറ്റ് രൂപീകരിക്കാന് ഇന്ന് ചേര്ന്ന മന്ത്രിസഭായോഗം തീരുമാനിച്ചു.ഇതുപ്രകാരം ഒരു പ്രത്യേക സൊസൈറ്റി രൂപീകരിച്ച് പ്രവര്ത്തനം തുടങ്ങും. തിരുവനന്തപുരത്ത് മുഖ്യമന്ത്രി വി.എസ് അച്യുതാനന്ദന് അറിയിച്ചതാണിത്. തിരുവനന്തപുരം വെയിലൂര് വില്ലേജില് ലൈഫ് സയന്സ് പാര്ക്ക് സ്ഥാപിക്കുന്നതിന് വേണ്ടി 260 ഏക്കര് സ്ഥലം ഫാസ്റ്റ് ട്രാക്ക് സംവിധാനത്തിലൂടെ ഏറ്റെടുക്കും.മലയാളത്തിന് ക്ലാസിക്കല് ഭാഷാ പദവി നല്കുന്നതുമായി ബന്ധപ്പെട്ട കാര്യങ്ങള് പരിശോധിക്കുന്നതിന് ഒരു കമ്മിറ്റിയെ രൂപീകരിക്കുമെന്നും മുഖ്യമന്ത്രി പറഞ്ഞു. കമ്മിറ്റിയുടെ ചെയര്മാന് മുഖ്യമന്ത്രിയായിരിക്കും. വിദ്യാഭ്യസമന്ത്രിയായിരിക്കും കമ്മിറ്റിയുടെ കണ്വീനര്.മൂന്നാറിലെ അനധികൃത കെട്ടിടങ്ങള് പൊളിക്കുന്നതുമായി ബന്ധപ്പെട്ട് ആഭ്യന്തരമന്ത്രിയുടെ പ്രസ്താവന ശ്രദ്ധയില്പ്പെടുത്തിയപ്പോള് മന്ത്രിയുടെ അഭിപ്രായം അതുപോലെയല്ല പത്രങ്ങളില് വന്നതെന്നായിരുന്നു മുഖ്യമന്ത്രിയുടെ മറുപടി. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
