സാമൂഹ്യ സുരക്ഷയ്ക്കും ക്ഷേമപ്രവര്ത്തനത്തിനും ഊന്നല് നല്കുന്ന ബജറ്റായിരിക്കും ഇത്തവണത്തേത് എന്ന ധനമന്ത്രി തോമസ് ഐസക് പറഞ്ഞു.ഫെബ്രുവരി ആദ്യം തന്നെ ബജറ്റ് അവതരിപ്പിക്കും. ഫുള് ബജറ്റാണോ വോട്ട് ഓണ് അക്കൗണ്ടാണോയെന്ന് പിന്നീട് തീരുമാനിക്കുമെന്നും അദ്ദേഹം പറഞ്ഞു. തിരുവനന്തപുരത്ത് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. സാമ്പത്തികമാന്ദ്യത്തിന്റെ പശ്ചാത്തലത്തില് സംസ്ഥാനങ്ങള്ക്കുള്ള വായ്പാപരിധി കൂട്ടണമെന്നും അദ്ദേഹം ആവശ്യപ്പെട്ടു.നിര്മ്മാണ പ്രവര്ത്തനങ്ങള്ക്ക് കൂടുതല് പ്രാധാന്യം നല്കുന്നതിനായി 1000 കോടി രൂപയുടെ വായ്പ കേന്ദ്രം സംസ്ഥാനത്തിന് അനുവദിക്കണമെന്നും ധനമന്ത്രി ഡോ. തോമസ് ഐസക് ആവശ്യപ്പെട്ടു. സംസ്ഥാനത്ത് ഈ-ഫയലിംഗ് സംവിധാനം ജനുവരി മുതല് നിര്ബന്ധമാക്കുമെന്നും അദ്ദേഹം പറഞ്ഞു. |
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
