പണിമുടക്കിന് പിന്തുണ പ്രഖ്യാപിച്ച് കൃഷി മന്ത്രി മുല്ലക്കര രത്നാകരന് ഔദ്യോഗിക വാഹനം ഉപേക്ഷിച്ചു ബൈക്കില് യാത്ര ചെയ്തു. തിരുവനന്തപുരത്ത് തമ്പാനൂര് റെയില്വേ സ്റ്റേഷനില് നിന്ന് കമലേശ്വരത്തെ വീട് വരെയാണ് മന്ത്രി ബൈക്ക് യാത്ര നടത്തിയത്.
കോഴിക്കോട് നിന്ന് രാവിലെ ആണ് മന്ത്രി തമ്പാനൂരിലെത്തിയത്. ഔദ്യോഗിക വാഹനത്തിന്റെ ഡ്രൈവര് അജയന് ബൈക്കുമായി കാത്ത് നില്പ്പുണ്ടായിരുന്നു.
ബൈക്കിന് പൊലീസ് അകമ്പടിയുണ്ടായിരുന്നു. ബൈക്ക് യാത്ര സുഖകരമായ അനുഭവമായിരുന്നുവെന്ന് മന്ത്രി പറഞ്ഞു.
കോഴിക്കോട് നിന്ന് യാത്ര ചെയ്ത് വന്ന ക്ഷീണം തീര്ക്കാന് ബൈക്ക് യാത്ര സഹായകമായെന്ന് മുല്ലക്കര രത്നാകരന് അഭിപ്രായപ്പെട്ടു. ബൈക്ക് ഓടിക്കാന് അറിയില്ലെങ്കിലും ബൈക്കില് യാത്ര ചെയ്യാന് ഇഷ്ടമാണെന്ന് മന്ത്രി വെളിപ്പെടുത്തി.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
