ജനങ്ങള്ക്കിടയില് വന് സ്വാധീനം അന്തരിച്ച ഹര്കിഷന് സിംഗ് സുര്ജിത്തിന് ഉണ്ടായിരുന്നുവെന്ന് ആഭ്യന്തര മന്ത്രി കോടിയേരി ബാലകൃഷ്ണന്. നേതാക്കളുടെ നേതാവായിരുന്നു സുര്ജിത്തെന്നും കോടിയേരി പറഞ്ഞു.
സുര്ജിത്തിന് അന്ത്യോപചാരം അര്പ്പിക്കാനെത്തിയവരുടെ തിരക്ക് തന്നെ അദ്ദേഹത്തിന്റെ ജനസ്വാധീനത്തിന് തെളിവാണെന്ന് കോടിയേരി അഭിപ്രായപ്പെട്ടു. സുര്ജിത്തിന് അന്ത്യോപചാരം അര്പ്പിക്കാനെത്തിയ അദ്ദേഹം മാധ്യമ പ്രവര്ത്തകരോട് സംസാരിക്കുകയായിരുന്നു.
സുര്ജിത്തിന് അന്ത്യോപചാരം അര്പ്പിക്കാന് സാധാരണക്കാര് മുതല് ഉന്നത പദവികളില് വിരാജിക്കുന്നവര് വരെ എത്തിയിരിക്കുന്നു. പഞ്ചാബ്, ഹര്യാന എന്നിവിടങ്ങളിലെ കര്ഷകരുമായി സുര്ജിത്തിന് വലിയ ബന്ധം ഉണ്ടായിരുനു എന്ന് കോടിയേരി അനുസ്മരിച്ചു.
വ്യക്തിപരമായി തനിക്ക് ഏറ്റവും അടുപ്പമുള്ള നേതാക്കളില് ഒരാളായിരുന്നു സുര്ജിത്തെന്നും കോടിയേരി പറഞ്ഞു. അദ്ദേഹത്തിന്റെ ദേഹവിയോഗം തീരാനഷ്ടമാണ്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
