പതിനെട്ട് പേരുടെ മരണത്തിനിടയാക്കിയ തട്ടേക്കാട് ബോട്ട് ദുരന്തക്കേസില് പ്രതി പി.എം രാജുവിനെതിരായ വിധി കോടതി ഇന്ന് പുറപ്പെടുവിക്കും.
എറണാകുളം അഡീഷണല് സെഷന്സ് കോടതിയാണ് ശിക്ഷ വിധിക്കുക. പതി കുറ്റക്കാരനാണെന്ന് കോടതി കഴിഞ്ഞ ദിവസം കണ്ടെത്തിയിരുന്നു. അപകടത്തില്പ്പെട്ട ബോട്ടിന്റെ ഉടമയും ഡ്രൈവറുമായിരുന്നു രാജു. മനപ്പൂര്വ്വമല്ലാത്ത നരഹത്യയാണ് രാജുവിനെതിരെ ചുമത്തിയിരിക്കുന്ന കുറ്റം.
സംഭവത്തില് അധ്യാപകരുടെ വീഴ്ച അന്വേഷണ ഉദ്യോഗസ്ഥന് മനപ്പൂര്വ്വം അവഗണിച്ചുവെന്നും കോടതി നിരീക്ഷിച്ചു. അങ്കമാലിക്ക് സമീപമുള്ള എളവൂര് സെന്റ് ആന്റണീസ് യു.പി. സ്കൂളിലെ 15 വിദ്യാര്ഥികളും മൂന്ന് അധ്യാപികമാരുമാണ് കുട്ടമ്പുഴയാറില് ബോട്ടുമുങ്ങി കഴിഞ്ഞ വര്ഷം ഫെബ്രുവരി 20ന് മരിച്ചത്.
ആറുപേര്ക്ക് മാത്രം സഞ്ചരിക്കാന് ശേഷിയുള്ള ബോട്ടില് അറുപതോളം പേരെ കയറ്റിയപ്പോഴാണ് ദുരന്തമുണ്ടായത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
