മലയാള സിനിമയുടെ റിലീസിംഗ് ചരിത്രത്തില് റിക്കോര്ഡ് ഇട്ടുകൊണ്ട് മമ്മൂട്ടിയുടെ പരുന്ത് പാതിരാത്രിയില് പറന്നിറങ്ങി. മലപ്പുറത്തെ താനൂരില് അര്ദ്ധരാത്രി 12.01ന് നിറഞ്ഞ സദസിന് മുമ്പാകെയായിരുന്നു പരുന്തിന്റെ ആദ്യപ്രദര്ശനം.
മമ്മൂട്ടി, മോഹന്ലാല് ഫാന്സ് അസോസിയേഷനുകള് തമ്മിലുള്ള മത്സരമാണ് അര്ദ്ധരാത്രിയില് പരുന്ത് റിലീസ് ചെയ്യാന് കാരണം. പ്രിയതാരത്തെ വരവേല്ക്കാന് കൊട്ടും കുരവയുമായാണ് ആരാധകര് തിയേറ്ററിലെത്തിയത്. ആദ്യ പ്രദര്ശനം നടന്ന മലപ്പുറത്തെ താനൂരിലെ തിയേറ്ററിലെ അന്തരീക്ഷം മമ്മൂട്ടിമയമായിരുന്നു.
മമ്മൂട്ടി ഫാന്സ് അസോസിയേഷന് മുന്കൈ എടുത്താണ് പ്രദര്ശനം നേരത്തെയാക്കിയത്. മധ്യകേരളത്തില് തൊടുപുഴയില് മാത്രമാണ് ചിത്രം ആദ്യം റിലീസ് ചെയ്തത്. വടകര, തിരൂര് എന്നിവിടങ്ങളിലും ആദ്യപ്രദര്ശനം നേരത്തെയായിരുന്നു. മമ്മൂട്ടിയുടെ ഒടുവിലത്തെ ഹിറ്റായ അണ്ണന് തമ്പിയുടെ ആദ്യ പ്രദര്ശനം വെളുപ്പിന് 3.30 മണിക്കായിരുന്നു.
അതിനെ വെല്ലാന് മോഹന്ലാലിന്റെ ആരാധകര് മാടമ്പി എന്ന സിനിമ മുന്ന് മണിക്ക് പ്രദര്ശിപ്പിച്ചു. ഇതിനെയും മറികടന്നാണ് പരുന്ത് 12.01ന് റിലീസ് ചെയ്തത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
