ചിന്നക്കനാലില് നാലു റിസോര്ട്ടുകാര് അനധികൃതമായി കൈവശംവച്ചിരുന്ന ഭൂമി ദൗത്യസംഘം പിടിച്ചെടുത്തു. ഭൂമി ഏറ്റെടുത്ത സംഘം സ്ഥലത്ത് സര്ക്കാര് ബോര്ഡ് സ്ഥാപിച്ചു.
മഹീന്ദ്രാ ഹോളിഡേ റിസോര്ട്ടിന്റെ കൈവശമുള്ള 63.97 സെന്റും മിസ്റ്റ് ഹില് റിസോര്ട്ടിന്റെ 2 ഏക്കര് 6 സെന്റും സ്റ്റെര്ലിംഗ് റിസോര്ട്ടിന്റെ 8.82 സെന്റും മാത്യുപെരിങ്ങാട്ടുപറമ്പിലിന്റെ 8.72 സെന്റ് സ്ഥലവുമാണ് പിടിച്ചെടുത്തത്. ദൗത്യസംഘത്തെ സഹായിക്കാന് ഉടുമ്പന്ചോല തഹസില്ദാര് ടി.എം.ജോണ്സണിന്റെ നേതൃത്വത്തിലുള്ള സംഘവുമുണ്ടായിരുന്നു.
ദൗത്യസംഘത്തലവന് കെ.എം. രാമാനന്ദന് നടപടികള്ക്ക് നേതൃത്വം നല്കി. നേരത്തെ ഈ റിസോര്ട്ടുടമകള്ക്ക് നോട്ടീസ് നല്കി ഹിയറിങ് നടത്തിയിരുന്നു. ഇതിനു ശേഷമാണ് ഒഴിപ്പിക്കല് നോട്ടീസ് നല്കിയത്. മുന്നാര് കയ്യേറ്റം ഒഴിപ്പിക്കലിന്റെ ഒന്നാം വാര്ഷിക ദിനമാണ് ഇന്ന്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ