കിയയുടെ ഭര്‍ത്താവ്‌ വെര്‍ജീനിയ സ്വദേശിയായ അലന്‍ ഷെറും മകള്‍ നവോമിയും ഒബ്റോയ് ഹോട്ടലില്‍ കഴിയുമ്പോഴാണു ഭീകരരുടെ തോക്കിനിരയായത്‌. മുംബൈ ഭീകരാക്രമണക്കേസിലെ പ്രതിയായ കസബിന് എന്ത് ശിക്ഷയാണ് പരമോന്നത നീതിപീഠം നല്‍‌കാന്‍ പോകുന്നതെന്ന് അറിയാന്‍ ലോകം മുഴുവന്‍ ആകാംക്ഷയോടെ കാതോര്‍ത്തിരിക്കുന്നതിന് ഇടയിലാണ് കിയ ഈ വിചിത്രമായ അഭ്യര്‍ത്ഥന നടത്തിയിരിക്കുന്നത്.
“കൊലപാതകത്തിന് പകരം കൊലപാതകമല്ല. അതുകൊണ്ട് ഞാന്‍ വധശിക്ഷയെ അനുകൂലിക്കുന്നില്ല. എന്നാല്‍ ജീവിതകാലം മുഴുവന്‍ ഇന്ത്യന്‍ ജയിലറയില്‍ കിടന്ന് കസബ് നരകിക്കണം. ഇതാണ് ഇന്ത്യന്‍ നീതിന്യായവ്യവസ്ഥയോടുള്ള എന്റെ അപേക്ഷ.”
