അഫ്ഗാന് അതിര്ത്തിക്കടുത്ത് പാകിസ്ഥാന് സേന നടത്തിയ വ്യോമാക്രമണങ്ങളില് 24 ഭീകരര് കൊല്ലപ്പെട്ടതായി വിശ്വസ്ത കേന്ദ്രങ്ങള് അറിയിച്ചു. ഒറക്സായി ഗോത്ര മേഖലയിലെ ഒളിത്താവളങ്ങള് ലക്ഷ്യമാക്കി നടത്തിയ വ്യോമാക്രമണത്തിലാണ് ഭീകരര് കൊല്ലപ്പെട്ടത്. 40 ഭീകരരെ സൈന്യം അറസ്റ്റ് ചെയ്തിട്ടുമുണ്ട്.
താലിബാനെതിരെ സ്വാതില് നടത്തുന്ന തെരച്ചിലിന്റെ ഭാഗമായാണ് സൈന്യം വ്യോമാക്രമണം നടത്തിയത്. വ്യാഴാഴ്ചയാണ് മേഖലയില് സൈന്യം വ്യാപകമായി തെരച്ചില് നടത്തിയത്. അറസ്റ്റുചെയ്ത തീവ്രവാദികള്ക്ക് പാക് താലിബാന് നേതാവ് ബെയ്ത്തുള്ള മെഹ്സൂദുമായി അടുത്ത ബന്ധമുണ്ടെന്ന് മേഖലാ ഡെപ്യൂട്ടി ഭരണാധികാരി സെയ്ദ് അഹമ്മദ് ഖാന് പറഞ്ഞു.
രണ്ടുമാസം മുന്പാണ് സ്വാതില് സൈന്യം നടപടികളാരംഭിച്ചത്. 1700 ഭീകരരെ ഇതുവരെ വധിച്ചതായി സൈന്യം അറിയിച്ചു. സൈനിക നടപടിയെ തുടര്ന്ന് ലക്ഷക്കണക്കിനാളുകള് മേഖലയില് നിന്ന് പലായനം ചെയ്തിട്ടുണ്ട്. 20 ലക്ഷം ആളുകള്ക്ക് വീടുകളിലേക്ക് തിരിച്ചെത്തുന്നതിന് സൌകര്യമൊരുക്കുന്ന ഒരു പദ്ധതി കഴിഞ്ഞ ദിവസം സര്ക്കാര് പ്രഖ്യാപിച്ചിട്ടുണ്ട്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ